22 жніўня, Мінск /Кар. БЕЛТА/. Урад адобрыў праект дагавора з ТАА "ЮніКрэдыт Лізінг" аб прадастаўленні ў Расіі тавараў, вырабленых у Беларусі, на ўмовах фінансавай арэнды (лізінгу) у якасці асновы для правядзення перагавораў. Гэта прадугледжана пастановай Савета Міністраў ад 18 жніўня 2017 года нумар 631, паведамляе БЕЛТА.
Міністэрства прамысловасці сумесна з Міністэрствам фінансаў упаўнаважана на правядзенне перагавораў з ТАА "ЮніКрэдыт Лізінг" па праекце дагавора і яго падпісанне пры дасягненні дамоўленасцей у межах адобранага праекта.
ААТ "БПБ-Ашчадбанк" вызначана банкам-агентам па выкананні ўмоў дагавора з выплатай яму ўзнагароджання ў памеры не больш як 0,02 працэнта сумы, што падлягае кампенсацыі Беларуссю, за кошт сродкаў рэспубліканскага бюджэту, якія прадугледжваюцца на гэтыя мэты.
Пастанова ўступае ў сілу з дня яе прыняцця.-0-