Мабільная версія
ДЗЯРЖОРГАНЫ
Апошнія навіны
Усе навіны

Беларусь прапануе Расіі прыняць дарожную карту для ўрэгулявання пытанняў па пастаўках малака

Эканоміка 13.03.2018 | 18:48
Леанід Заяц
Леанід Заяц

13 сакавіка, Мінск /Кар. БЕЛТА/. Беларусь прапануе Расіі прыняць дарожную карту для ўрэгулявання пытанняў па пастаўках малака, паведаміў журналістам міністр сельскай гаспадаркі і харчавання Леанід Заяц, перадае карэспандэнт БЕЛТА.

Паводле слоў міністра, Беларусь прадаўжае перагаворы з Расіяй па ўрэгуляванні сітуацыі з пастаўкамі малака і малочнай прадукцыі. У бліжэйшы час у Маскве для абмеркавання гэтага пытання запланавана сустрэча на ўзроўні віцэ-прэм'ераў.

"Мы прапанавалі для ўрэгулявання дарожную карту, у якой абазначаны пазіцыі Беларусі, улічаны пазіцыі Расійскай Федэрацыі. Упэўнены, што разгляд і прыняцце гэтай дарожнай карты здыме забарону паставак нашых прадпрыемстваў на расійскі рынак", - адзначыў Леанід Заяц.

"Усе ёсць шанцы, каб сесці за стол перагавораў і дамовіцца наконт доступу нашай прадукцыі на рынкі Расіі", - лічыць міністр.

У сакавіку плануецца правесці сумесную калегію аграрных ведамстваў Беларусі і Расіі, дзе будуць разглядацца балансы прадуктаў харчавання. Гэтыя балансы затым стануць асновай для паставак прадукцыі на расійскі рынак.

Леанід Заяц падкрэсліў, што сёння можна з упэўненасцю гаварыць аб якасці беларускага малака. "З упэўненасцю магу сказаць, што астаткаў антыбіётыкаў у нашай прадукцыі няма і не можа быць. Сыравіна, якая сёння паступае з гаспадарак на малочнае прадпрыемства, праходзіць праз вельмі скрупулёзны кантроль. Той жа самы кантроль ёсць і ў працэсе перапрацоўкі. Пры адгрузцы гатовай прадукцыі кожная партыя даследуецца ў лабараторыях", - растлумачыў міністр.

Як паведамлялася, Рассельгаснагляд перанёс увядзенне забароны на пастаўкі малака і малочнай прадукцыі з Беларусі на 15 сакавіка. Першапачаткова заяўлялася аб забароне на пастаўкі з 26 лютага, затым ўвядзенне пераносілася на 6 сакавіка.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Збіраем дзіця ў лагер Не рэкамендуецца браць з сабой: мабільны тэлефон, ювелірныя ўпрыгажэнні, дарагое адзенне, скорапсавальныя прадукты харчавання.