Сцяг Пятніца, 29 сакавіка 2024
Усе навіны
Усе навіны
Эканоміка
25 чэрвеня 2018, 11:11

Беларусь прапануе Францыі актывізаваць інвестыцыйнае супрацоўніцтва

25 чэрвеня, Мінск /Кар. БЕЛТА/. Беларусь прапануе Францыі актывізаваць інвестыцыйнае супрацоўніцтва. Размова аб гэтым ішла сёння на сустрэчы старшыні Савета Рэспублікі Міхаіла Мясніковіча з дэлегацыяй групы дружбы "Францыя-Беларусь" Нацыянальнага сходу гэтай краіны, перадае карэспандэнт БЕЛТА.

Міхаіл Мясніковіч прапанаваў абмеркаваць перспектывы інвестыцыйнага супрацоўніцтва, у актывізацыі якога зацікаўлены беларускі бок. Ён адзначыў поспехі ў малочнай галіне, прывёўшы ў прыклад узаемадзеянне з французскай харчовай кампаніяй "Данон" і іншымі вытворцамі. Прысутнічае ўпэўненасць у пазітыўным развіцці гэтага напрамку. "Хацелася б, каб і ў прамысловасці актыўней ішла работа", - сказаў старшыня Савета Рэспублікі. Беларусь і Францыя рэалізуюць праект у фармацэўтыцы. "Ёсць і ў машынабудаванні, але яны сціплыя", - канстатаваў Міхаіл Мясніковіч.

У 2017 годзе тавараабарот паміж Беларуссю і Францыяй вырас на 28 працэнтаў у параўнанні з 2016-м. Пазітыўная дынаміка захавалася і ў 2018 годзе: аб'ём узаемнага гандлю вырас прыкладна на 13 працэнтаў. Пры гэтым кіраўнік верхняй палаты парламента звярнуў увагу, што сальда тавараабароту для Беларусі пакуль складваецца адмоўным і выступіў за тое, каб выраўнаваць гандлёвы баланс.

У сваю чаргу старшыня групы дружбы "Францыя-Беларусь" Крыстоф Лежон прапанаваў абмеркаваць развіццё супрацоўніцтва ў сельскай гаспадарцы, прамысловасці і турызме. Ён праінфармаваў, што вялікая колькасць прадпрыемстваў АПК у Францыі зацікаўлены ў супрацоўніцтве з беларускімі партнёрамі, ў прыватнасці ў мясной вытворчасці, і хацелі б прыехаць у краіну, каб на месцы правесці перагаворы. Кіраўнік групы дружбы разлічвае зімой вярнуцца ў Беларусь разам з прадстаўнікамі французскіх кампаній, якія займаюцца вытворчасцю сельгаспрадукцыі. Што датычыцца прамысловасці, у тым ліку ў машынабудаванні, то Крыстоф Лежон прапанаваў разгледзець магчымасці пашырэння супрацоўніцтва з канцэрнам "Пежо-Сітраен" у частцы зборкі аўтамабіляў, іх сэрвіснага абслугоўвання. Парламентарый падкрэсліў, што Беларусь будзе прывілеяваным партнёрам Францыі як у доўгатэрміновай, так у каротка- і сярэднетэрміновай перспектыве. "Мы працуем над гэтым", - сказаў ён.

У час сустрэчы бакі абмеркавалі ўзаемадзеянне на міжнародных пляцоўках. У прыватнасці, беларускія парламентарыі разлічваюць, што французскія калегі падтрымаюць рэзалюцыю па лічбавай эканоміцы. Яе Беларусь мае намер прадставіць на летняй сесіі ПА АБСЕ ў Берліне. Удзельнікі сустрэчы разгледзелі перспектывы супрацоўніцтва паміж рэгіёнамі, адзначылі плённую работу парламенцкіх груп дружбы.-0-

Падпісвайцеся на нас у
Twitter
Топ-навіны
Свежыя навіны Беларусі