Мабільная версія
ДЗЯРЖОРГАНЫ
Апошнія навіны
Усе навіны

Беларусь паступальна наблізіцца да еўрапейскага ўзроўню прадукцыйнасці працы

Эканоміка 27.04.2016 | 12:03

27 красавіка, Мінск /Кар. БЕЛТА/. У Беларусі пастаўлена мэта паступальнага набліжэння да еўрапейскага ўзроўню прадукцыйнасці працы. Аб гэтым гаворыцца ў плане мерапрыемстваў па рэалізацыі Дырэктывы нумар 3, які зацверджаны пастановай Савета Міністраў нумар 336 ад 25 красавіка і апублікаваны на сайце беларускага ўрада, паведамляе БЕЛТА.

"Трэці раздзел плана прадугледжвае кардынальнае змяненне якасці кіравання прамысловым комплексам краіны ў мэтах паступальнага набліжэння да еўрапейскага ўзроўню прадукцыйнасці працы", - адзначаецца ў дакуменце.

У гэтай сферы плануецца распрацоўка і рэалізацыя інавацыйных і інвестыцыйных праектаў, арыентаваных на развіццё вытворчасцей з малой энерга- і матэрыялаёмістасцю, стварэнне і развіццё сучасных вытворчасцей, уключаючы імпартазамяшчальныя, у тым ліку на малых і сярэдніх прадпрыемствах. Стаіць задача па стварэнні новых высокатэхналагічных вытворчасцей, а таксама сумесных прадпрыемстваў з вядучымі еўрапейскімі і сусветнымі вытворцамі.

"Прадугледжана ўкараненне ў арганізацыях прамысловага комплексу сістэм менеджменту якасці, адпаведных міжнародным і дзяржаўным стандартам, іх сертыфікацыя, - сказана ў дакуменце. - Будзе ўкараняцца практыка прыцягнення ў якасці прадстаўнікоў дзяржавы ў органах кіравання кіруючых кампаній холдынгаў з удзелам дзяржавы прафесійных кіраўнікоў на конкурснай аснове".

Акрамя іншага, будзе арганізавана работа па выяўленні неэфектыўных вытворчасцей і вытворчых працэсаў і іх ліквідацыі, а таксама па вызначэнні неэфектыўных дапаможных вытворчасцей і іх перадачы на аўтсорсінг.

Савет Міністраў пастановай нумар 336 зацвердзіў план мерапрыемстваў па рэалізацыі Дырэктывы нумар 3 ад 14 чэрвеня 2007 года "Аб прыярытэтных напрамках умацавання эканамічнай бяспекі дзяржавы", зацверджанай у новай рэдакцыі ўказам нумар 26 ад 26 студзеня 2016 года. Усяго ў план уключаны 111 пунктаў па чатырох раздзелах.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Зарплата ў жніўні Белстат апублікаваў даныя аб намінальнай налічанай сярэдняй заработнай плаце работнікаў у жніўні 2017 года па асобных відах эканамічнай дзейнасці.