Сцяг Пятніца, 29 сакавіка 2024
Усе навіны
Усе навіны
Эканоміка
06 верасня 2017, 14:35

Беларусь можа ў бягучым годзе паставіць на экспарт каля мільёна тон збожжа

6 верасня, Мінск /Кар. БЕЛТА/. Беларусь можа ў бягучым годзе паставіць на экспарт каля мільёна тон збожжа, паведаміў сёння журналістам намеснік прэм'ер-міністра Міхаіл Русы пасля прыёму грамадзян у Савеце Міністраў, перадае карэспандэнт БЕЛТА.

"З улікам пераходных фондаў у нас па балансе можа быць каля мільёна тон збожжа і збожжапрадуктаў у экспартным абароце. Нядрэнны попыт на муку, мы думаем, што больш за 200 тыс. т мукі прададзім за межы краіны. Вельмі добра ідуць нашы крупы, крупяныя сумесі. Макаронныя вырабы таксама нядаўна пачалі экспартаваць", - адзначыў віцэ-прэм'ер.

Міхаіл Русы адзначыў, што па выніках першага паўгоддзя Беларусь павялічыла экспарт сельгаспрадукцыі ў грашовым выражэнні на 16,6 працэнта. "Напрыклад, у гэтым годзе плануем прадаць на 400 тыс. т больш рапсу. І так па ўсіх напрамках", - сказаў ён.

Намеснік прэм'ер-міністра падкрэсліў, што ў пытаннях экспарту сельгаспрадукцыі ўдзяляецца вельмі вялікая ўвага. "Мы вядзём актыўную работу па пошуку рынкаў збыту, асвойваем новыя рынкі. На складах у нас запасаў няма", - рэзюмаваў ён.-0-

Падпісвайцеся на нас у
Twitter
Топ-навіны
Свежыя навіны Беларусі