Сцяг Пятніца, 29 сакавіка 2024
Усе навіны
Усе навіны
Эканоміка
29 жніўня 2018, 13:01

Беларусь можа паўдзельнічаць у распрацоўцы нафтавых радовішчаў у Расіі на каспійскім шэльфе

29 жніўня, Мінск /Кар. БЕЛТА/. Беларусь можа паўдзельнічаць у распрацоўцы нафтавых радовішчаў у Расіі на каспійскім шэльфе, заявіў прэм'ер-міністр Беларусі Сяргей Румас сёння на сустрэчы з губернатарам Астраханскай вобласці Аляксандрам Жылкіным, перадае карэспандэнт БЕЛТА.

"Прадпрыемства "Беларуснафта", якое мае вялікі вопыт у геолагаразведцы і здабычы нафты, можа падключыцца да плануемых распрацовак радовішчаў вуглевадароднай сыравіны на каспійскім шэльфе", - сказаў Сяргей Румас.

Тавараабарот Беларусі і Астраханскай вобласці ў 2017 годзе вырас у параўнанні з 2016 годам на 40 працэнтаў амаль да $30 млн. У першым паўгоддзі 2018 года тавараабарот перавысіў ужо $20 млн (рост на 56 працэнтаў). "Лічбы, вядома, нядрэнныя. Але, напэўна, патэнцыял супрацоўніцтва Астраханскай вобласці і Беларусі мог бы быць значна вышэйшы. Нам ёсць што прапанаваць адзін аднаму", - лічыць прэм'ер-міністр.

Сяргей Румас'

Беларусь зацікаўлена пашыраць супрацоўніцтва з Астраханскай вобласцю ў аграпрамысловым комплексе. Беларускія прадпрыемствы могуць прапанаваць аграрыям рэгіёна шырокую лінейку прадукцыі, у тым ліку з выкарыстаннем фінансавых механізмаў падтрымкі экспарту (ільготнага крэдытавання, лізінгу). Ёсць планы па стварэнні на тэрыторыі Астраханскай вобласці гандлёва-сэрвіснага цэнтра МТЗ - гэта дасць магчымасць зрабіць беларускія трактары і абсталяванне больш даступнымі для астраханскіх фермераў. Беларусь гатова развіваць супрацоўніцтва ў раслінаводстве, насенняводстве, малочнай жывёлагадоўлі, зацікаўлена ў пастаўках з расійскага рэгіёна рыбы і рыбнай сыравіны, ранняй бульбы, агародніны і бахчавай прадукцыі, бараніны. Акрамя таго, Беларусь цікавіць вопыт гадоўлі авечак, а таксама асятровых.

Паводле слоў Сяргея Румаса, беларуская пасажырская тэхніка сёння ёсць у многіх рэгіёнах Расіі, такія пастаўкі магчымы і ў Астраханскую вобласць. Размова ідзе аб аўтобусах, тралейбусах і электробусах. "Амкадор" гатовы наладзіць пастаўкі дарожна-будаўнічай тэхнікі.

Перспектыўным можа быць супрацоўніцтва паміж свабоднай эканамічнай зонай "Віцебск" і асаблівай эканамічнай зонай "Лотас". Прадпрыемствы, якія з'яўляюцца рэзідэнтамі гэтых свабодных зон, падпісалі мемарандумы аб супрацоўніцтве, ёсць узаемная цікавасць да паставак.

Беларусь гатова таксама развіваць узаемадзеянне ў навуковай сферы, ахове здароўя, адукацыі, турызме.-0-

Падпісвайцеся на нас у
Twitter
Топ-навіны
Свежыя навіны Беларусі