Сцяг Пятніца, 29 сакавіка 2024
Усе навіны
Усе навіны
Эканоміка
21 лютага 2018, 18:30

Беларусь і Расія не спыняюць перагаворы па цане на газ з 2020 года - Патупчык

21 лютага, Астравец /Кар. БЕЛТА/. Беларусь і Расія не спыняюць перагаворы па цане расійскага газу для Беларусі, якая будзе прымяняцца з 2020 года, заявіў сёння журналістам міністр энергетыкі Беларусі Уладзімір Патупчык на падагульняючай калегіі Мінэнерга, перадае карэспандэнт БЕЛТА.

"Гэты працэс не спыняецца, мы прадаўжаем перагаворы на высокім узроўні. У рамках гэтых перагавораў мы ўвесь час, з кожнай нашай сустрэчай, становімся бліжэй у разуменні таго, як вырашаць гэтыя пытанні", - сказаў міністр.

Уладзімір Патупчык адзначыў, што гэта няпростая работа, аднак час дамовіцца ёсць. "Мы вызначыліся з тым, якой будзе цана на газ для Беларусі ў 2018-2019 гадах. У нас ёсць час для таго, каб вызначыцца па часавым перыядзе з 2020 года да 2025-га (да стварэння агульнага рынку газу ў Еўразійскім эканамічным саюзе)", - дадаў ён.

"Таму тут няма ніякіх праблем, супярэчнасцей. Самае галоўнае, каб гэтыя рашэнні былі прыняты", - рэзюмаваў Уладзімір Патупчык.-0-

Падпісвайцеся на нас у
Twitter
Топ-навіны
Свежыя навіны Беларусі