30 верасня, Мінск /Кар. БЕЛТА/. Беларусь гатова да больш актыўнай работы над сумеснымі праектамі з Эквадорам. Размова аб гэтым ішла на сустрэчы, у якой прынялі ўдзел старшыня Савета Рэспублікі Нацыянальнага сходу Міхаіл Мясніковіч і Надзвычайны і Паўнамоцны Пасол Эквадора ў Беларусі Карлас Умберта Ларэа Давіла, паведамілі БЕЛТА ў прэс-службе верхняй палаты парламента.
Бакі абмеркавалі беларуска-эквадорскае партнёрства. "Рады, што нашы дамоўленасці атрымліваюць актыўнае развіццё і супрацоўніцтва мае рэзультат", - адзначыў Міхаіл Мясніковіч. Спікер, у прыватнасці, спыніўся на перспектывах двухбаковага ўзаемадзеяння ў сферах прамысловасці і будаўніцтва, акцэнтаваў увагу на існуючым у кампаніі "Белзамежбуд" і іншых айчынных прадпрыемстваў вопыце ў аднаўленні інфраструктуры пацярпелых ад землетрасення тэрыторый. Старшыня Савета Рэспублікі падкрэсліў, што беларускі бок гатовы да больш актыўнай работы над сумеснымі праектамі, у тым ліку ў рамках нацыянальных праграм урада Эквадора.
Пасол у сваю чаргу выказаў удзячнасць за падтрымку, якую аказвае Беларусь Эквадору, у тым ліку за гуманітарную дапамогу, накіраваную ў пацярпелыя раёны.
У час перагавораў таксама абмяркоўваліся актуальныя аспекты супрацоўніцтва ў сферы сельскай гаспадаркі, галіне прамысловай кааперацыі і іншыя пытанні, якія маюць узаемны інтарэс.-0-