Мабільная версія
ДЗЯРЖОРГАНЫ
Апошнія навіны
Усе навіны

Беларусь бачыць вялікія магчымасці для развіцця супрацоўніцтва з Microsoft - Кабякоў

Эканоміка 17.05.2018 | 15:33

17 мая, Мінск /Кар. БЕЛТА/. Беларусь бачыць вялікія магчымасці для развіцця супрацоўніцтва з карпарацыяй Microsoft. Аб гэтым заявіў прэм'ер-міністр Беларусі Андрэй Кабякоў сёння на сустрэчы з кіраўніком дэпартамента па стратэгічным супрацоўніцтве з урадам у Цэнтральнай і Усходняй Еўропе карпарацыі Microsoft Евангеласам Крысафідзісам, передает карэспандэнт БЕЛТА.

Андрэй Кабякоў адзначыў, што ў Беларусі ўзяты курс на лічбавізацыю. "Адносіны з такой паважанай кампаніяй, як Microsoft, для нас вельмі важныя. Мы разлічваем, што яны дазволяць нам набыць дадатковы вопыт. У нас вельмі вялікія магчымасці для супрацоўніцтва, гатовы выслухаць вашы прапановы і абмяняцца думкамі, намеціць магчымыя напрамкі ўзаемадзеяння", - сказаў кіраўнік урада.

Паводле яго слоў, ёсць шэраг элементаў супрацоўніцтва, у тым ліку нарматыўнага характару, рэалізацыя якіх дазволіла б узняць узаемаадносіны на больш высокі ўзровень.

Евангелас Крысафідзіс адзначыў важнасць для карпарацыі мець магчымасць абмеркаваць перспектывы развіцця супрацоўніцтва з Беларуссю.

У сустрэчы таксама прынялі ўдзел першы намеснік міністра сувязі і інфарматызацыі Беларусі Дзмітрый Шадко, кіраўнік Апарату Савета Міністраў Аляксандр Турчын, дырэктар ДУ "Адміністрацыя Парка высокіх тэхналогій" Усевалад Янчэўскі, намеснік начальніка ўпраўлення транспарту, інфарматызацыі і сувязі - загадчык аддзела інфарматызацыі і сувязі Апарату Савета Міністраў Уладзімір Бабцоў.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Будаўніцтва жылля ў Беларусі У студзені-красавіку 2018 года арганізацыямі ўсіх форм уласнасці пабудавана 12,9 тыс. кватэр. Уведзена ў эксплуатацыю 1 147,5 тыс. кв.м агульнай плошчы жылля.