26 снежня, Мінск /Кар. БЕЛТА/. Базавая велічыня ў Беларусі з 1 студзеня 2018 года вырасце да Br24,5. Гэта прадугледжана пастановай Савета Міністраў ад 22 снежня 2017 года нумар 997, паведамілі карэспандэнту БЕЛТА ў прэс-службе ўрада.
Цяпер базавая велічыня складае Br23, такім чынам, яна павялічыцца на Br1,5.
Ад базавай велічыні залежаць памеры некаторых дапамог, стыпендый, падаткаў і збораў, штрафаў, іншых выплат.
Апошні раз базавая велічыня змянялася 1 студзеня 2017 года - тады яна павялічылася з Br21 да Br23.-0-
