8 снежня, Мінск /Кар. БЕЛТА/. Мемарандум аб супрацоўніцтве падпісалі Асацыяцыя мытных прадстаўнікоў і Беларускае таварыства ацэншчыкаў, паведамілі карэспандэнту БЕЛТА ў асацыяцыі.
Подпісы пад дакументам паставілі старшыня Асацыяцыі мытных прадстаўнікоў Сяргей Барысюк і старшыня Беларускага таварыства ацэншчыкаў Мікалай Трыфанаў.
Аб'яднанні дамовіліся аказваць садзейнічанне ў развіцці такіх напрамкаў супрацоўніцтва, як правядзенне кваліфікаванай ацэнкі кошту тавараў, транспартных сродкаў, стратэгічных матэрыялаў, культурных каштоўнасцей, аб'ектаў інтэлектуальнай уласнасці і іншых.
Бакі будуць арганізоўваць узаемныя кансультацыі па праблемах развіцця заканадаўства, метадалогіі, правядзення навуковых, навукова-даследчых работ, а таксама тэорыі і практыкі ацэнкі кошту тавараў для мытных патрэб, забяспечваць павышэнне кваліфікацыі работнікаў арганізацый, якія ўваходзяць у асацыяцыю, у галіне ацэнкі кошту тавараў. Плануецца аказваць узаемную інфармацыйную дапамогу па пытаннях развіцця ацэначных паслуг.-0-
