20 жніўня, Мінск /Кар. БЕЛТА/. Анлайн-канферэнцыя аб рабоце з парушэннямі антыманапольнага заканадаўства пройдзе на сайце БЕЛТА 21 жніўня з 11.00 да 12.00.
Са снежня 2016 года ў Міністэрстве антыманапольнага рэгулявання і гандлю Беларусі працуе пастаянная камісія па ўстанаўленні факта наяўнасці (адсутнасці) парушэння антыманапольнага заканадаўства. Узначальвае камісію міністр антыманапольнага рэгулявання і гандлю. Асноўнай яе задачай з'яўляецца разгляд зваротаў аб парушэнні антыманапольнага заканадаўства і прыняцце адпаведных рашэнняў.
Як разглядаюцца звароты і на падставе чаго прымаюцца рашэнні? Наколькі часта пацвярджаюцца факты парушэнняў, у якіх сферах іх здараецца больш за ўсё? На гэтыя і іншыя пытанні наведвальнікаў сайта БЕЛТА адкажуць намеснік міністра антыманапольнага рэгулявання і гандлю Іван Вежнавец і начальнік аддзела метадалогіі антыманапольнага рэгулявання і канкурэнцыі МАРГ Вольга Каралькова.
Пытанні можна задаваць загадзя або непасрэдна ў час канферэнцыі на сайце БЕЛТА www.belta.by ў раздзеле "АНЛАЙН-КАНФЕРЭНЦЫЯ". Адказы будуць публікавацца 21 жніўня пасля 11.00 па меры гатоўнасці.-0-