Мабільная версія
ДЗЯРЖОРГАНЫ
Апошнія навіны
Усе навіны

Зорак Купалаўскага тэатра сустракалі маскоўскія гледачы на паказе спектакля "Вечар"

Культура 28.10.2016 | 19:55
Фота пасольства Беларусі ў Расіі
Фота пасольства Беларусі ў Расіі

28 кастрычніка, Мінск /Кар. БЕЛТА/. Зорак Купалаўскага тэатра сустракалі маскоўскія гледачы на паказе спектакля "Вечар", паведамілі БЕЛТА ў пасольстве Беларусі ў Расіі.

На сцэне Дзелавога і культурнага комплексу пасольства Беларусі ў Расіі адбыўся паказ спектакля "Вечар" Нацыянальнага акадэмічнага тэатра імя Янкі Купалы. Яго прэзентацыя для маскоўскай публікі стала адным з мерапрыемстваў Года культуры, які аб'яўлены ў Беларусі ў 2016-м.

Пастаўлены паводле аднайменнай п'есы беларускага драматурга Аляксея Дударава спектакль адзначае ў бягучым годзе сваё дзесяцігоддзе. У ім заняты зоркі беларускай тэатральнай сцэны - народны артыст СССР і Беларусі Генадзь Аўсяннікаў, заслужаная артыстка Рэспублікі Беларусь Тамара Міронава, заслужаны артыст Рэспублікі Беларусь Аляксандр Падабед.

Часовы павераны ў справах Беларусі ў Расіі Юрый Ярашэвіч, выступаючы перад гасцямі, адзначыў, што Купалаўскі тэатр з'яўляецца сімвалам тэатральнай Беларусі. На працягу ўсёй сваёй гісторыі ён уносіць прыкметны ўклад у захаванне культурна-гістарычнай спадчыны, з дапамогай сцэны пераносіць гледача ў свет багатага гістарычнага мінулага Радзімы, а таксама расказвае пра сучасную Беларусь.

"Вечар" - пастаноўка вядомага беларускага рэжысёра, народнага артыста Беларусі, лаўрэата Дзяржаўных прэмій СССР і БССР Валерыя Раеўскага.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ІНФАГРАФІКА: Бяспека карыстання газам у быце Перад кожным распальваннем газавага воданагравальніка або абагравальнага катла праверце, што: цыркуляцыя цепланосьбіта забяспечана; ціск па манометры, устаноўленым на катле, адпавядае норме; каналы дымаходаў свабодныя.