Мабільная версія
ДЗЯРЖОРГАНЫ
Апошнія навіны
Усе навіны

Выстаўкі да 100-годдзя з дня нараджэння Пімена Панчанкі і Янкі Брыля адкрыюцца 23 жніўня

Культура 18.08.2017 | 16:04
Янка Брыль і Пімен Панчанка
Янка Брыль і Пімен Панчанка

18 жніўня, Мінск /Кар. БЕЛТА/. Выстаўкі да 100-годдзя з дня нараджэння народнага паэта Беларусі Пімена Панчанкі і народнага пісьменніка Беларусі Янкі Брыля адкрыюцца 23 жніўня ў Дзяржаўным музеі гісторыі беларускай літаратуры, паведамілі БЕЛТА ў музеі.

Супрацоўнікі музея падрыхтавалі выстаўку "Пімен Панчанка. Кніга падарожжаў і любові..." і літаратурна-дакументальную часовую экспазіцыю "Янка Брыль. З людзьмі і сам-насам", дзе будуць прадстаўлены матэрыялы з фондаў музея (фатаграфіі, рукапісы, пісьмы, кнігі), прадметы з асабістых архіваў пісьменнікаў. Усё гэта дасць магчымасць прасачыць іх жыццёвы і творчы шлях.

Урачыстае адкрыццё дзвюх экспазіцый у адзін дзень Дзяржаўны музей гісторыі беларускай літаратуры назначыў невыпадкова: даследчыкі адзначаюць пэўнае падабенства лёсаў Янкі Брыля і Пімена Панчанкі. Нарадзіліся пісьменнікі ў жніўні 1917 года за межамі Беларусі: Янка Брыль - 4 жніўня ў Адэсе, Пімен Панчанка - 23 жніўня ў Таліне. Іх творчая спадчына заняла ганаровае месца ў залатым фондзе беларускай нацыянальнай літаратуры.

На адкрыцці экспазіцый сумесна з Міністэрствам сувязі і інфарматызацыі адбудзецца гашэнне паштовай маркі і канверта, прысвечаных юбілею Пімена Панчанкі, і ўрачыстая перадача ў фонды музея юбілейнага канверта з арыгінальнай маркай "100 гадоў з дня нараджэння Янкі Брыля".

Гасцямі мерапрыемства стануць і прадстаўнікі футбольнага клуба мінскага "Дынама", балельшчыкам якога быў Пімен Панчанка. Пісьменнік амаль ніколі не прапускаў матчы каманды, таму балельшчыкі "Дынама" разам з клубам падрыхтавалі падарунак, які будзе прадстаўлены на выстаўцы.

У мерапрыемстве прымуць таксама ўдзел прадстаўнікі Міністэрства культуры, пасольстваў Ірана, Польшчы ў Беларусі, пісьменнікі, сябры, родныя Пімена Панчанкі і Янкі Брыля, паклоннікі творчасці беларускіх аўтараў.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.