Мабільная версія
ДЗЯРЖОРГАНЫ
Апошнія навіны
"Экалагічны марафон-2018" у Гомелі
Учора 13:11 Фотарэпартаж
Усе навіны

Выстаўка роставых лялек "Даліна казак" адкрыецца ў Гомелі 15 лютага

Культура 13.02.2018 | 15:45
Фота з архіва
Фота з архіва

13 лютага, Гомель /Кар. БЕЛТА/. Выстаўка роставых лялек "Даліна казак" адкрыецца ў Гомелі ў карціннай галерэі Г.Х.Вашчанкі 15 лютага, паведамілі карэспандэнту БЕЛТА ў дзяржаўнай установе.

У выставачнай зале галерэі паселяцца персанажы казак, легенд, міфалагічныя сімвалы, істоты са свету фантазій розных народаў свету. Памеры асобных фігур, сярод якіх цыклоп, зубр Волат, дасягаюць 3 м, а размах крылаў дракона складае амаль 4 м.

Стваральнікі скульптур - сямейная пара Таццяна і Уладзімір Найбічы з Бярозы Брэсцкай вобласці. Майстры добра вядомы гомельскаму гледачу дзякуючы многім праектам, у тым ліку выстаўцы дыназаўраў "Свет юрскага перыяду".

Пры стварэнні роставых лялек аўтары выкарыстоўвалі розныя матэрыялы: скуру, воўну, футра. "Кожны герой з "Даліны казак" выкананы з асаблівай карпатлівасцю. Вялікую ўвагу мастакі ўдзялілі працэсу вырабу вачэй істот, каб персанажы выглядалі рэалістычна і пераканаўча", - адзначылі субяседнікі.

Своеасаблівым правадніком у захапляючым падарожжы па выдуманых сусветах стане кароткі расказ пра кожны экспанат. Маленькіх наведвальнікаў чакае спецыяльная інтэрактыўная зона, дзе можна пагуляць з экспанатамі.

Выстаўка будзе працаваць да 6 мая.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Асноўныя сацыяльна-эканамічныя паказчыкі Беларусі ў студзені-сакавіку Студзень-сакавік 2018 года да студзеня-сакавіка 2017 года: ВУП - 105,1%, выпуск прадукцыі прамысловасці* - 109,4%, выпуск прадукцыі сельскай гаспадаркі - 101,9%.