Мабільная версія
ДЗЯРЖОРГАНЫ
Апошнія навіны
Усе навіны

Выдадзена персанальная энцыклапедыя "Францыск Скарына"

Культура 19.12.2017 | 13:55

19 снежня, Мінск /Кар. БЕЛТА/. Выдадзена персанальная энцыклапедыя "Францыск Скарына", паведаміў журналістам у прэс-цэнтры БЕЛТА першы намеснік міністра інфармацыі Беларусі Ігар Луцкі.

Паводле яго слоў, выпуск персанальнай энцыклапедыі - заўсёды падзея. У Беларусі выпушчаны энцыклапедыі Янкі Купалы, Максіма Багдановіча, а сёння ўбачыла свет персанальная энцыклапедыя "Францыск Скарына", якая выйшла ў выдавецтве "Беларуская энцыклапедыя імя Петруся Броўкі".

Тыраж выдання складае 1,5 тыс. экзэмпляраў. Набыць гэту сумесную працу вучоных, мастацтвазнаўцаў і спецыялістаў выдавецтва можна ў сетцы "Белкніга". Кошт такой кнігі - Br31, рэалізуецца з мінімальнай нацэнкай 5 працэнтаў.

Як дадаў дырэктар выдавецтва "Беларуская энцыклапедыя імя Петруся Броўкі" Уладзімір Андрыевіч, ідэя выпуску такога выдання ўзнікла два гады таму. Над ім працавалі каля 150 аўтараў, яно змяшчае больш за 1 тыс. артыкулаў, каля 500 фатаграфій.

Уладзімір Андрыевіч дадаў, што выдавецтва ў бягучым годзе падрыхтавала шэраг кніг "Скарыніяны" і практычна ўсе яны адзначаны на міжнародным узроўні. У першую чаргу гэта ўнікальнае выданне "Сусветная спадчына Францыска Скарыны". Кніга выйшла на трох мовах (беларускай, рускай і англійскай). Упершыню ў адным выданні прадстаўлены ўсе 25 кніг беларускага кнігадрукара. Яно атрымала Гран-пры XIV Міжнароднага конкурсу краін - удзельніц СНД "Мастацтва кнігі - 2017" і Гран-пры Еўразійскай міжнароднай кніжнай выстаўкі Eurasіan Book Faіr 2017.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).