Мабільная версія
ДЗЯРЖОРГАНЫ
Апошнія навіны
Усе навіны

Вакалісты з 21 краіны прымуць удзел у конкурсе выканаўцаў "Віцебск-2018"

Культура 06.06.2018 | 19:17
У час прэс-канферэнцыі
У час прэс-канферэнцыі

6 чэрвеня, Мінск /Кар. БЕЛТА/. Вакалісты з 21 краіны прымуць удзел у XXVII Міжнародным конкурсе выканаўцаў "Віцебск". Аб гэтым паведаміў у прэс-цэнтры БЕЛТА дырэктар міжнароднага фестывалю мастацтваў "Славянскі базар у Віцебску", генеральны дырэктар Цэнтра культуры "Віцебск" Аляксандр Сідарэнка, перадае карэспандэнт БЕЛТА.

Аляксандр Сідарэнка падкрэсліў, што "Славянскі базар у Віцебску" ўсё больш папулярны, прапаноў з кожным годам становіцца ўсё больш, і наглядны прыклад таму - міжнародныя конкурсы фестывалю, як дарослы, так і дзіцячы. У кожным з іх прымуць удзел прадстаўнікі 21 краіны, пры гэтым з'явіліся новыя ўдзельнікі, у прыватнасці з Вялікабрытаніі, Канады і Калумбіі - у дзіцячым музычным конкурсе, з Гвінеі і Егіпта - у конкурсе выканаўцаў эстраднай песні.

Аляксандр Сідарэнка адзначыў высокую цікавасць вакалістаў да нацыянальных адборачных тураў, у гэтым годзе яны ўпершыню прайшлі ў Германіі і Арменіі. "На сёння работа па асноўных падрыхтоўчых мерапрыемствах конкурсаў завершана, удзельнікам накіраваны запрашэнні, створаны аранжыроўкі, музычны матэрыял ужо ёсць у аркестра. Не пройдзе і месяца, калі ўдзельнікі конкурсаў правядуць першыя рэпетыцыі ў Мінску", - расказаў дырэктар фестывалю.

Усяго ў мерапрыемствах "Славянскага базару" чакаецца ўдзел прадстаўнікоў 41 краіны свету.

XXVII Міжнародны фестываль мастацтваў "Славянскі базар у Віцебску" пройдзе з 12 па 16 ліпеня. Дадатковыя мерапрыемствы запланаваны 7-11 і 17-18 ліпеня.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Прафілактыка атручэнняў грыбамі У Беларусі з пачатку года зарэгістравана 18 выпадкаў атручэння грыбамі, пры якіх пацярпелі 20 чалавек.