Мабільная версія
ДЗЯРЖОРГАНЫ
Апошнія навіны
Усе навіны

У "Ноч музеяў" 4 арт-пляцоўкі Мінска будуць працаваць па прынцыпе культурнага абмену

Культура 18.05.2018 | 12:31

18 мая, Мінск /Кар. БЕЛТА/. У "Ноч музеяў" чатыры арт-пляцоўкі Мінска аб'яднае адзіная праграма, паведаміў карэспандэнту БЕЛТА куратар калекцыі Белгазпрамбанка мастацтвазнавец Аляксандр Зіменка.

"Упершыню ў Мінску творчая акцыя "Ноч музеяў" аб'яднае чатыры арт-пляцоўкі: галерэю "Арт-Беларусь", мемарыяльны музей-майстэрню Заіра Азгура, культурны інкубатар "ОК16" і культурны цэнтр "КОРПУС". У "Ноч музеяў 2018" кожная пляцоўка прапануе сваю праграму, якая раскрывае канцэпцыю культурнага абмену: музей-майстэрня Заіра Азгура і ОК16 абменьваюцца традыцыямі і навацыямі; галерэя "Арт-Беларусь" і цэнтр "КОРПУС" інтэрпрэтуюць агульную спадчыну ХХ стагоддзя. Спадзяёмся, што абмен напрамкамі дапоўніць і без таго разнастайныя прапановы нашых пляцовак", - расказаў Аляксандр Зіменка.

Акрамя таго, у наведвальнікаў "Ночы музеяў" будзе магчымасць азнаёміцца з экспазіцыяй першага міжнароднага фестывалю ART-MINSK, які завяршаецца 20 мая.

Праграмы "Ночы музеяў" ад галерэі "Арт-Беларусь" пачнуцца ў 21.00 і прадоўжацца да 05.00. Кожную пляцоўку можна наведаць як па асобным білеце, так і адзіным на ўсе праграмы, купіць які можна ў інтэрнэце і галерэі "Арт-Беларусь". Для зручнасці наведвальнікаў будзе арганізаваны трансфер "Art-night x-bus" паміж пр. Машэрава, 9 - вул. Казлова, 3 - вул. Азгура, 8 - вул. Кастрычніцкая, 16. Аўтобус будзе хадзіць з 21.00 да 05.00.

"Арт-Беларусь" - ініцыіраваны Белгазпрамбанкам нацыянальны гісторыка-культуралагічны праект, ён рэалізуецца ва ўзаемадзеянні з Нацыянальнай камісіяй па справах ЮНЕСКА, міністэрствамі замежных спраў і культуры, Нацыянальным мастацкім музеем Беларусі, Беларускім саюзам мастакоў і іншымі партнёрскімі арганізацыямі. Мэта праекта - развіццё на аснове адукацыйных праграм творчага мыслення і ініцыятывы дзеячаў культуры, папулярызацыі іх творчасці ўнутры краіны і за мяжой. Карпаратыўная калекцыя ААТ "Белгазпрамбанк" з'яўляецца часткай і асновай праекта "Арт-Беларусь".

Ноч музеяў - міжнародная акцыя, прымеркаваная да Міжнароднага дня музеяў, у час якой экспазіцыі можна агледзець ноччу. Асноўная мэта акцыі - паказаць магчымасці, патэнцыял сучасных музеяў, прыцягнуць у музеі моладзь. Упершыню "Ноч музеяў" была праведзена ў Берліне ў 1997 годзе.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Стадыён "Дынама" Стадыён "Дынама" быў афіцыйна адкрыты 12 чэрвеня 1934 года, рэканструяваны ў 1939 годзе, разбураны ў час Вялікай Айчыннай вайны. Новы стадыён пабудаваны ў 1947-1954 гадах.