Мабільная версія
ДЗЯРЖОРГАНЫ
Апошнія навіны
Усе навіны

У Белавежскай пушчы знойдзены крамянёвыя артэфакты каменнага веку

Культура 15.11.2017 | 10:48

15 лістапада, Брэст /Кар. БЕЛТА/. Удзельнікі першай міжнароднай археалагічнай экспедыцыі ў Белавежскай пушчы знайшлі крамянёвыя артэфакты каменнага веку, паведаміў карэспандэнту БЕЛТА навуковы супрацоўнік нацыянальнага парку Руслан Кніга.

На тэрыторыі нацыянальнага парку гэтай восенню рэалізуецца даследчы праект "Белавежская пушча - агульная спадчына" пры актыўным удзеле навуковых супрацоўнікаў Інстытута археалогіі і этналогіі Польскай акадэміі навук і Інстытута гісторыі НАН Беларусі. Мэтай супрацоўніцтва з'яўляецца вывучэнне археалагічнай спадчыны самага старажытнага ляснога масіву Еўропы. У час першага этапу экспедыцыі быў праведзены ўлік помнікаў археалогіі на тэрыторыі беларускай часткі пушчы (кварталы 560, 561, 593, 749, 775, 805, 807), якія затым нанеслі на карты з дапамогай сістэмы GPS.

Другі этап быў прысвечаны даследаванню аднаго з курганападобных насыпаў ва ўрочышчы Язвінка. Такія аб'екты раскіданы па ўсёй тэрыторыі нацыянальнага парку, але ў адрозненне ад курганоў розных эпох, раскопкі на іх раней не праводзіліся. Да пачатку работ меркавалася, што гэты насып таксама з'яўляецца курганом X-XIII стагоддзяў. Аднак па выніках раскопак ніякіх слядоў штучнай падсыпкі не знойдзена, у той жа час даследчыкі выявілі 39 крамянёвых артэфактаў.

"Гэта апрацаваны крэмень, як мяркуецца, каменнага веку. На жаль, ніякіх прылад працы, інвентару, па якіх можна было б больш дакладна вызначыць эпоху, культуру ў кургане не было. Узнікла рабочая гіпотэза, што гэта маглі быць загатоўкі наканечнікаў, зробленыя на стаянцы першабытным паляўнічым", - растлумачыў навуковы супрацоўнік Інстытута гісторыі Алег Ткачоў.

Плануецца, што ў наступным годзе работы ў рамках праекта "Белавежская пушча - агульная спадчына" будуць прадоўжаны.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Трэць жылля ў Беларусі будуецца для маючых патрэбу У студзені-кастрычніку 2017 года пабудавана 34,8 тыс. новых кватэр. Уведзена ў эксплуатацыю 3 050,6 тыс. кв.м агульнай плошчы жылля.