Мабільная версія
ДЗЯРЖОРГАНЫ
Апошнія навіны
Усе навіны

Сто твораў кітайскіх паэтаў ХХ стагоддзя ўключае зборнік "Пялёсткі лотаса і хрызантэмы"

Культура 09.02.2018 | 11:46
Мікола Мятліцкі, Цуй Цымін і Аляксандр Бадак
Мікола Мятліцкі, Цуй Цымін і Аляксандр Бадак

9 лютага, Мінск /Кар. БЕЛТА/. Зборнік "Пялёсткі лотаса і хрызантэмы" ўключае творы 100 кітайскіх паэтаў ХХ стагоддзя. Аб гэтым паведаміў журналістам у прэс-цэнтры БЕЛТА Надзвычайны і Паўнамоцны Пасол КНР у Беларусі Цуй Цымін, перадае карэспандэнт БЕЛТА.

Паводле слоў пасла, зборнік дае чытачам унікальную магчымасць убачыць Кітай, даведацца аб думках і перажываннях людзей, якія жывуць у сучасную эпоху. Гэта замалёўкі, што раскрываюць простыя бытавыя падрабязнасці, даюць магчымасць азнаёміцца з традыцыямі кітайскага народа. "Упэўнены, гэта кніга дазволіць беларускім сябрам зразумець менталітэт кітайскага народа, выкліча сімпатыю да літаратуры КНР, унясе свой уклад ва ўмацаванне дружбы паміж намі", - сказаў ён.

Зборнік створаны лаўрэатам Дзяржаўнай прэміі Рэспублікі Беларусь імя Янкі Купалы паэтам-перакладчыкам Міколам Мятліцкім. У ім прадстаўлены творы перыяду станаўлення сучаснага Кітая, эканамічна трывалага і духоўна акрыленага, вядомага сваімі істотнымі дасягненнямі народам усяго свету. Сярод аўтараў анталогіі - Хуан Цзуньсянь, Су Маньшу, Лю Дабай, Чжу Цзыцін, Вэнь Ідо і інш.

Як сказаў Мікола Мятліцкі, яму хацелася паказаць беларускаму чытачу духоўнае багацце кітайскай літаратуры. Як аўтар і перакладчык ён разумеў, што вельмі важна тонка, не закрануўшы інтарэсы, перадаць усе фарбы твораў. "Спадзяюся, што кожны, хто прачытае гэту кнігу, зразумее Кітай глыбей", - сказаў ён.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Новы дызайн беларускіх банкнотаў Праўленне Нацыянальнага банка Беларусі прыняло рашэнне аб правядзенні мадыфікацыі банкнотаў, што знаходзяцца ў абарачэнні, пры захаванні асноўных выяў на правым і адваротным баках, а таксама іх колернай гамы і памеру.