17 ліпеня, Віцебск /Кацярына Князева - БЕЛТА/. Старшыня журы XXVI Міжнароднага конкурсу выканаўцаў эстраднай песні "Віцебск-2017" заслужаная артыстка Балгарыі Ёрданка Хрыстава на прэс-канферэнцыі "Зорны час" у міжнародным прэс-цэнтры назвала беларуса Ягора Шаранкова адкрыццём цяперашняга "Славянскага базару", перадае карэспандэнт БЕЛТА.
"Адкрыццё фестывалю - Ягор. У гэтым годзе з'явіўся малады чалавек, які ўжо ў 19 гадоў (ён адзін з самых маладых) самы завершаны. Выдатны тэнар, цудоўны голас. Я люблю такія. Вельмі артыстычна паводзіў сябе, у яго твар і асоба ёсць. Для мяне ён - уладальнік Гран-пры. Я жадаю яму натхнення, быць сабой. Крыху сапсавала ўражанне ад песні другога дня фіналу аранжыроўка. З іншага боку, мне спадабалася, што ён зрабіў па-іншаму вядомую песню", - сказала Ёрданка Хрыстава.
Украінскага канкурсанта Улада Сытніка, які набраў аднолькавую колькасць балаў з беларусам, яна лічыць таксама вельмі дастойным, але прадказальным. "Спявае вельмі прыгожа, але я ведаю ўсё, што ён зробіць, усё, што можа. Ягор жа гаворыць вачамі, рукамі, жэстамі. Я жадаю яму развіцця, поспеху", - адзначыла старшыня журы.
Свайго земляка балгарына Нікалу Чочава яна лічыць самым прыгожым на конкурсе. Яго выкананне таксама было дастойным, але недастатковым. Яго творчы шлях, упэўнена Ёрданка Хрыстава, будзе паспяховым.-0-