Мабільная версія
ДЗЯРЖОРГАНЫ
Апошнія навіны
Усе навіны

Сталінская архітэктура Беларусі тоіць вялікі патэнцыял па прыцягненні турыстаў - мастацтвазнавец

Культура 19.04.2017 | 11:33
Фаб'ен Бела
Фаб'ен Бела

19 красавіка, Мінск /Кар. БЕЛТА/. Сталінская архітэктура Беларусі тоіць вялікі патэнцыял па прыцягненні замежных турыстаў. Такое меркаванне выказаў на прэзентацыі кнігі аб архітэктуры савецкага перыяду Мінска яе аўтар доктар гісторыі мастацтва з Францыі Фаб'ен Бела, перадае карэспандэнт БЕЛТА.

У час прэзентацыі

Падрыхтоўка праекта выдання аб архітэктуры савецкага перыяду стала для мастацтвазнаўца захапляючай справай. Фаб'ен Бела падзяліўся шэрагам адкрыццяў, якія змог зрабіць у час работы над кнігай "Сталінская архітэктура Беларусі". На яго думку, многія будынкі ў Мінску могуць прыцягнуць французскіх, італьянскіх турыстаў, а таксама жыхароў іншых еўрапейскіх краін, паколькі сёння тэма архітэктуры савецкага перыяду прывабная для іх.

У час прэзентацыі

Гэта другая кніга аўтара, якая расказвае аб архітэктуры савецкага перыяду. Першай стала выданне аб горадзе Тальяці. Яно было настолькі паспяховым, што з боку выдаўца ўзнікла цікавасць стварыць яшчэ адну кнігу. Выбар прыпаў на сталіцу Беларусі. Ужо сёння выданне перакладзена на рускую мову, аднак для выпуску яго на паперы неабходны сродкі ў памеры 12 тыс. еўра. Цяпер пытанне аб публікацыі вырашаецца.

У час прэзентацыі

На думку Фаб'ена Бела, публікацыя такой кнігі дасць магчымасць змяніць імідж Мінска ў вачах еўрапейцаў. Аб'ектамі інтарэсу замежных гасцей могуць стаць будынкі Дома Саветаў (Савета Міністраў), Вялікага тэатра оперы і балета, Нацыянальнай акадэміі навук, ГУМа, Трактарнага завода і інш. У іх трэба было б арганізоўваць экскурсіі. Архітэктура многіх з гэтых будынкаў, напрыклад, ГУМа, пераклікаецца з архітэктурай у Францыі, і гэта не можа не прыцягнуць увагу французаў. Праспект Незалежнасці таксама дастойны самай шырокай увагі замежных гасцей, перакананы ён.

Наступным праектам мастацтвазнаўца стане кніга аб архітэктуры Варшавы.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Беларусь - Украіна: гандлёва-эканамічнае супрацоўніцтва Тавараабарот Беларусі з Украінай па выніках 2016 года павялічыўся на 10,5%, экспарт - на 13,2%, імпарт - на 3,2%. Сальда дадатнае - $1,87 млрд