Мабільная версія
ДЗЯРЖОРГАНЫ
Апошнія навіны
Усе навіны

Спектакль "Вяртанне да Шагала" адкрые музейную ноч у віцебскім Арт-цэнтры

Культура 18.05.2017 | 11:01
Арт-цэнтр Марка Шагала
Арт-цэнтр Марка Шагала

18 мая, Віцебск /Алёна Ціханава - БЕЛТА/. Акцыя "Ноч музеяў - 2017" у Арт-цэнтры Марка Шагала ў Віцебску прысвечана 130-годдзю з дня нараджэння мастака, паведамілі БЕЛТА ва ўстанове.

Адкрые праграму спектакль "Вяртанне да Шагала" ў пастаноўцы школьнага тэатра "Роздум" (СШ нумар 42 Віцебска). Спектакль пастаўлены па матывах аўтабіяграфічных кніг Марка Шагала і Бэлы Шагал. Інтэрактыўная частка музейнай ночы пройдзе на фоне выстаўкі "130 гадоў - 130 шэдэўраў. Рэтраспектыва творчасці Марка Шагала са збору музея". У экспазіцыі прадстаўлены самыя знакавыя работы мастака з музейнага збору: афорт "Бабуля", серыя ілюстрацый да паэмы Мікалая Гогаля "Мёртвыя душы", акватынты "Алека", "Закаханыя пад дрэвам" і "П'еро", ксілаграфіі да вершаў Марка Шагала і інш.

"На працягу вечара наведвальнікі змогуць разабрацца ў графічных тэхніках, якія выкарыстоўваў у сваёй творчасці Марк Шагал, паўдзельнічаць у майстар-класе. Для аматараў загадак супрацоўнікі падрыхтавалі віктарыны і заданні, якія раскрываюць сакрэты вобразаў і сюжэтаў мастака. Увесь вечар будуць дэманстравацца дакументальныя і мультыплікацыйныя фільмы. Самых актыўных удзельнікаў чакаюць прызы", - падкрэслілі ў Арт-цэнтры.

Мерапрыемствы пройдуць у Арт-цэнтры 19 мая з 18.00 да 22.00 (уваход свабодны).-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Гандаль у святочныя дні Магазінам Мінска з 15 снежня па 15 студзеня рэкамендавана працаваць без закрыцця на рамонт і санітарны дзень.