27 лютага, Мінск /Кар. БЕЛТА/. Спектакль "Эдып" на вялікай сцэне Нацыянальнага акадэмічнага драматычнага тэатра імя М. Горкага пакажуць 28 лютага, паведамілі карэспандэнту БЕЛТА ў тэатры.
Гэта своеасаблівая прэм'ера. Трагічная гісторыя створана для малой сцэны, але ў якасці эксперымента ў тэатры вырашылі выйсці на іншы фармат. "Многія гледачы прытрымліваюцца меркавання, што гэты спектакль павінна ўбачыць як мага большая колькасць людзей. І тэатр прадастаўляе такую магчымасць паглядзець сучасную пастаноўку ў антычным стылі ў зусім новай форме", - адзначылі ў тэатры.
Спектакль "Эдып" у 2011 годзе быў удастоены дыплома "За лепшы спектакль малых форм" на XVI Міжнародным тэатральным фестывалі "Белая вежа".
Эдып разгадаў загадку Сфінкса, стаў правіцелем Фіваў і ажаніўся з удавой ранейшага цара. Горад працвітаў да таго моманту, пакуль не прыйшла чума. Цар Эдып у роспачы: ён ніяк не можа зразумець прычыну гневу багоў. Дэльфійскі аракул раскрывае тайну - у Фівах знаходзіцца чалавек, які забіў ранейшага правіцеля Фіваў, цара Лая. І пакуль забойца не будзе знойдзены і пакараны, мор і голад не спыняцца. Эдып поўны рашучасці знайсці злачынцу і выратаваць свой народ. Але ён нават не падазрае, якое страшнае адкрыццё яго чакае.
У галоўных ролях імпазантны вядучы майстар сцэны НАДТ імя М. Горкага Руслан Чарнецкі і цудоўная актрыса, спявачка, музыкант Настасся Шпакоўская. Артысты разам складаюць непаўторны дуэт.
Аўтар п'есы - Алена Мінчукова, рэжысёр - народны артыст Беларусі Барыс Луцэнка.-0-
