Мабільная версія
ДЗЯРЖОРГАНЫ
Апошнія навіны
Усе навіны

Салісты Вялікага тэатра - лаўрэаты Дзяржпрэміі Беларусі спяюць на гала-канцэрце 14 лістапада

Культура 13.11.2017 | 16:59

13 лістапада, Мінск /Кар. БЕЛТА/. Салісты Вялікага тэатра - лаўрэаты Дзяржаўнай прэміі Беларусі спяюць на гала-канцэрце 14 лістапада, паведамілі БЕЛТА ў Нацыянальным акадэмічным Вялікім тэатры оперы і балета.

Вядучыя салісты выйдуць на сцэну тэатра ў вобразах, даўно любімых публікай. Прагучыць арыя Кізгайлы з оперы "Сівая легенда" ў выкананні Станіслава Трыфанава (нотку светлага смутку прыўнясе ў канцэрт музыка Дзмітрыя Смольскага, лаўрэата Дзяржаўнай прэміі (1980), які гэтай восенню пайшоў з жыцця). Сяргей Франкоўскі паўстане ў ролі Каніа з шэдэўра Руджэра Леанкавала "Паяцы". Ніна Шарубіна спяе Ave Maria Джуліа Качыні. Аксана Волкава выканае арыю Далілы з оперы Каміля Сен-Санса. Настасся Масквіна пранікліва спяе Антаніна Дворжака. Арыя Русалкі абавязкова прагучыць на канцэрце, як і многія іншыя дуэты і арыі з вядомых твораў Пятра Чайкоўскага, Мікалая Рымскага-Корсакава, Джаакіна Расіні, Жоржа Бізэ, Джузэпэ Вердзі, Джакама Пучыні і інш.

У канцэрце будзе заняты хор тэатра, якім кіруе Ніна Ламановіч, і аркестр, які ў гэты вечар павядзе за сабой вядомы дырыжор, народны артыст Беларусі, заслужаны дзеяч мастацтваў Расіі, лаўрэат прэстыжнай тэатральнай прэміі "Залатая Маска", кавалер ордэна Францыска Скарыны Аляксандр Анісімаў. Маэстра стаў лаўрэатам Дзяржаўнай прэміі за пастаноўку оперы "Дзікае паляванне караля Стаха" Уладзіміра Солтана ў 1990 годзе.

Народная артыстка Беларусі Ніна Шарубіна ўдастоена Дзяржаўнай прэміі ў 2012 годзе за выдатныя дасягненні вакальнага і выканальніцкага майстэрства, якія маюць высокую эстэтычную каштоўнасць і ўносяць значны ўклад у беларускую нацыянальную культуру. Дзяржаўная прэмія за 2016 год у галіне літаратуры, мастацтва і архітэктуры прысуджана калектыву Вялікага тэатра: галоўнаму хормайстру, народнай артыстцы Беларусі, уладальніцы ордэна Францыска Скарыны Ніне Ламановіч, народнай артыстцы Беларусі Настассі Масквіной, народнаму артысту Беларусі, уладальніку ордэна Францыска Скарыны Сяргею Франкоўскаму, заслужанай артыстцы Беларусі Аксане Волкавай, заслужанаму артысту Беларусі Станіславу Трыфанаву, галоўнаму мастаку тэатра, уладальніку медаля Францыска Скарыны Аляксандру Касцючэнку - за значныя творчыя дасягненні ў развіцці музычнага мастацтва, прапаганду духоўных каштоўнасцей і значны асабісты ўклад у пастаноўку опернага спектакля на музыку Дзмітрыя Смольскага "Сівая легенда" паводле твора Уладзіміра Караткевіча.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.