Мабільная версія
ДЗЯРЖОРГАНЫ
Апошнія навіны
Усе навіны

Рэкамендацыі стварэння паспяховых сцэнарыяў атрымаюць удзельнікі індустрыяльнай платформы "Лістапада"

Культура 25.09.2017 | 16:12

25 верасня, Мінск /Кар. БЕЛТА/. Рэкамендацыі стварэння паспяховых сцэнарыяў атрымаюць удзельнікі індустрыяльнай платформы "Лістапада", паведамілі БЕЛТА арганізатары XXIV Мінскага міжнароднага кінафестывалю "Лістапад".

Індустрыяльная платформа XXIV Мінскі міжнародны кінафестываль "Лістапад" Bel:Cinema прымае да 15 кастрычніка работы для сцэнарнай лабараторыі, якая пройдзе 4-5 лістапада ў Мастацкай галерэі Міхаіла Савіцкага. Да ўдзелу запрашаюцца работы сцэнарыстаў, рэжысёраў і прадзюсараў. Міжнародныя эксперты дадуць удзельнікам практычныя рэкамендацыі па тэхніках стварэння паспяховых гісторый і магчымасцях іх продажу.

У ліку запрошаных гасцей - спецыялісты з багатым вопытам работы на міжнародным рынку кіно. Мадэратарам лабараторыі выступіць Ганна Гудкова, арганізатар пітчынгу на кінафестывалі "Кінатаўр", праграмны дырэктар адукацыйнага цэнтра "Культбюро". У якасці рэдактара і крэатыўнага прадзюсара яна выпусціла каля дзясятка кінафільмаў і больш за сорак тэлесерыялаў, сярод якіх карціны "Пітар FM", "Усе памруць, а я застануся", "Метро", серыялы "Знахар", "Вербная нядзеля", "Ладага" і інш. Ганна працуе афіцыйным адборшчыкам кінарынку CentEast пры міжнародным кінафестывалі ў Варшаве, а таксама мае вялікі вопыт работы на іншых міжнародных кінафестывалях.

У якасці членаў журы выступяць міжнародныя эксперты. Франчэска Джаі Вія - прадстаўнік адной з буйнейшых міжнародных лабараторый для сцэнарыстаў Torino Film Lab, італьянскі кінакрытык, мастацкі кіраўнік фестывалю італьянскага кіно ў Ансі (Францыя) і дырэктар кінафестывалю ў Карбоніі, Сардзінія (Італія). Франчэска таксама з'яўляецца праграмным кансультантам на Венецыянскім кінафестывалі.

Хрысціна Плганёва з Чэхіі з'яўляецца каардынатарам міжнароднага праекта MIDPOINT. Ён арыентаваны на падтрымку крэатыўных каманд - прадзюсара, сцэнарыста і рэжысёра. MIDPOINT вядомы сваім супрацоўніцтвам з аўтарытэтнымі індустрыяльнымі платформамі - інстытутам "Сандэнса", праграмай Berlinale Talents, кіналабараторыяй Torino Film Lab.

Трэцім членам журы стане Даніэль Хачэвар, прадзюсар, спецыяліст па аўдыявізуальным навучанні, удзельнік еўрапейскіх адукацыйных кінапраектаў, кансультант і член адборачнай камісіі капрадукцыйнага рынку ў Трыесце When East Meets West. Дарэчы, Даніэль Хачэвар з'яўляецца адным з прадзюсараў фільма "Па крузе" сербскага рэжысёра Срдана Галубавіча, які ў 2013 годзе атрымаў на "Лістападзе" Прыз сімпатый гледачоў "Бронза Лiстапада", а таксама дыплом журы кінапрэсы.

XXIV Мінскі міжнародны кінафестываль "Лістапад" пройдзе з 3 па 10 лістапада пад слоганам "Ісціна, любоў і прыгажосць".

Заснавальнікі ММКФ "Лістапад" - Міністэрства культуры Беларусі, Мінскі гарадскі выканаўчы камітэт пры ўдзеле Белтэлерадыёкампаніі, Нацыянальнай кінастудыі "Беларусьфільм", Беларускага саюза кінематаграфістаў. Арганізатарам выступае Цэнтр візуальных і выканальніцкіх мастацтваў "АРТ Карпарэйшн".-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дынаміка валютнага рынку Абарот валютнага рынку Беларусі ў студзені-верасні 2017 года: усяго - $45 млрд 996,1 млн, на пазабіржавым валютным рынку - $30 млрд 206,2 млн, на БВФБ - $6 млрд 898,0 млн, на наяўным валютным рынку - $8 млрд 891,9 млн.