Мабільная версія
ДЗЯРЖОРГАНЫ
Апошнія навіны
Усе навіны

Прыём заявак на нацыянальны адбор дзіцячага "Еўрабачання-2017" завершыцца 30 чэрвеня

Культура 16.06.2017 | 09:50

16 чэрвеня, Мінск /Кар. БЕЛТА/. Прыём заявак на нацыянальны адбор дзіцячага "Еўрабачання-2017", якое пройдзе 26 лістапада ў Тбілісі (Грузія), завершыцца 30 чэрвеня, паведамілі БЕЛТА ў прэс-службе Белтэлерадыёкампаніі.

Акрамя заявак у адрас Белтэлерадыёкампаніі паступае вялікая колькасць зваротаў кансультатыўнага характару, што датычацца ўмоў падачы заявак, якія прапісаны ў палажэнні. У прэс-службе адзначылі высокую актыўнасць патэнцыяльных удзельнікаў і выказалі меркаванне, што канчатковая колькасць бандэролей будзе не меншая, чым у мінулыя гады. Так, у 2016 годзе да праслухоўвання былі дапушчаны 45 удзельнікаў, а на год раней - 41 юны выканаўца.

У гэтым годзе да праслухоўвання будуць дапушчаны ўсе прэтэндэнты, чые заяўкі адпавядаюць наступным патрабаванням: удзел у адборы могуць прыняць юныя выканаўцы, якім на дату правядзення міжнароднага конкурсу павінна быць не менш як 9 і не больш як 14 гадоў, якія з'яўляюцца грамадзянамі Беларусі, або замежнымі грамадзянамі і асобамі без грамадзянства, якія пастаянна пражываюць на тэрыторыі рэспублікі не менш як два з палавінай гады; у адборы можа ўдзельнічаць песня, якая складаецца з вершаў на беларускай або рускай мове з выкарыстаннем замежнай мовы (але не больш за 40 працэнтаў аб'ёму тэксту) і музыкі, што не былі камерцыйна рэалізаваны, а таксама выкананы публічна да 1 мая 2017 года; удзельнік адбору або законны прадстаўнік канкурсанта, які не дасягнуў узросту 14 гадоў, павінен быць адзіным праваўладальнікам песні, або мець сумеснае права валодання песняй, калі ў адборы прымае ўдзел калектыў выканаўцаў.

Для ўдзелу ў адборачным туры неабходна каштоўнай бандэроллю накіраваць заяўку на адрас: 220807, г. Мінск, вул. Макаёнка, 9, з паметкай "На дзіцячы конкурс песні "Еўрабачанне-2017".

Па выніках адборачнага тура, якія будуць падведзены не пазней за 7 ліпеня, прафесійнае журы вызначыць ад сямі да дзесяці канкурсантаў для ўдзелу ў фінале, які адбудзецца не пазней за 16 верасня ў форме гала-канцэрта.

Пераможца нацыянальнага адборачнага тура, які прадставіць Беларусь на дзіцячым "Еўрабачанні-2017", вызначаецца па выніках галасавання прафесійнага журы і тэлегледачоў.

Палажэнне аб правядзенні нацыянальнага адбору дзіцячага конкурсу песні "Еўрабачанне-2017" размешчана на афіцыйным сайце Белтэлерадыёкампаніі ў раздзеле "Праекты".

Арганізатарам нацыянальнага адборачнага тура з'яўляецца Белтэлерадыёкампанія. Адбор праводзіцца ў адпаведнасці з палажэннем, распрацаваным арганізатарам, і правіламі конкурсу, што ўстанаўліваюцца Еўрапейскім вяшчальным саюзам. Усе правы, якія адносяцца да правядзення адбору, належаць выключна арганізатару.

Эксклюзіўным вяшчальнікам як нацыянальнага адборачнага тура, так і міжнароднага дзіцячага конкурсу песні "Еўрабачанне-2017" традыцыйна выступіць тэлеканал "Беларусь 1".

Беларусь удзельнічае ў міжнародным дзіцячым конкурсе песні "Еўрабачанне" з моманту яго заснавання - з 2003 года. Першай беларускай удзельніцай была Вольга Сацюк. На рахунку нашай краіны дзве перамогі: у 2005-м конкурс выйграла Ксенія Сітнік з песняй "Мы разам", у 2007-м - Аляксей Жыгалковіч з кампазіцыяй "З сябрамі". На "Еўрабачанні-2016" Аляксандр Мінёнак з песняй "Музыка маіх перамог" заняў 7-е месца.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Час стаць прыкметней З 16 па 26 кастрычніка Дзяржаўтаінспекцыя праводзіць рэспубліканскую акцыю па прафілактыцы гібелі і траўматызму людзей на дарогах у цёмны час сутак.