Сцяг Аўторак, 19 сакавіка 2024
Усе навіны
Усе навіны
Культура
17 лістапада 2017, 14:06

Прамую трансляцыю фіналу дзіцячага "Еўрабачання-2017" будуць весці "Беларусь 1" і "Беларусь 24"

17 лістапада, Мінск /Кар. БЕЛТА/. Прамую трансляцыю фіналу дзіцячага конкурсу песні "Еўрабачанне-2017" са сталіцы Грузіі - Тбілісі будуць весці "Беларусь 1" і "Беларусь 24", паведамілі БЕЛТА ў прэс-службе Белтэлерадыёкампаніі.

На сцэну "Алімпійскага палаца" 26 лістапада ў 18.00 выйдуць юныя таленты з 16 краін - удзельніц ЕВС: Аўстраліі, Албаніі, Арменіі, Беларусі, Ірландыі, Італіі, Кіпра, Македоніі, Мальты, Нідэрландаў, Польшчы, Партугаліі, Расіі, Сербіі, Украіны і гаспадыні цяперашняга конкурсу Грузіі.

Каменціраваць шоу будзе журналіст Агенцтва тэленавін Белтэлерадыёкампаніі Яўген Перлін.

Як паведамлялася, Еўрапейскі вяшчальны саюз унёс змяненні ў правілы дзіцячага "Еўрабачання-2017". У бягучым годзе галасаванне будзе праходзіць у інтэрнэце, і беларусы змогуць падтрымаць удзельніка ад сваёй краіны на афіцыйным сайце конкурсу www.junioreurovision.tv.

Галасаванне пачнецца ў пятніцу, 24 лістапада, а завершыцца перад пачаткам канцэрта - у нядзелю, 26 лістапада. Пасля выступлення ўсіх канкурсантаў аддаць свой голас можна будзе зноў, але толькі на працягу 15 хвілін.

Пераможца дзіцячага "Еўрабачання-2017" будзе вызначаны па выніках рашэння прафесійнага журы і тэлегледачоў. Галасы гледачоў складуць палавіну рэзультату, другую ж палавіну па выніках конкурсу дабавіць журы. Песня з самай вялікай колькасцю балаў, стане пераможцай форуму.

Афіцыйная беларуская дэлегацыя на чале c намеснікам старшыні Белтэлерадыёкампаніі Іванам Эйсмантам прыбудзе ў Грузію 19 лістапада.

Цырымонія адкрыцця конкурсу адбудзецца 20 лістапада. У гэты ж дзень пасля жараб'ёўкі выступленняў удзельнікаў стане вядома, пад якім нумарам выступіць беларуская зорачка Хелена Мерааі з песняй "Я самая".

Даведвацца аб самых цікавых падзеях, якія адбываюцца з нашым артыстам і яго камандай у час еўратыдня, можна будзе з сюжэтаў АТН і ў сацыяльных сетках у групах "Еўрабачанне Беларусь". Таксама на афіцыйным канале Белтэлерадыёкампаніі ў Instagram прадстаўнікамі нашай дэлегацыі будуць арганізаваны прамыя трансляцыі з Тбілісі.

Падрыхтоўку афіцыйнага прадстаўніка Беларусі да міжнароднага дзіцячага конкурсу песні "Еўрабачанне-2017" ажыццяўляе Белтэлерадыёкампанія як адзіны ў краіне член Еўрапейскага вяшчальнага саюза. -0-

Падпісвайцеся на нас у
Twitter
Топ-навіны
Свежыя навіны Беларусі