25 лістапада, Глівіцэ /Святлана Сухарко - БЕЛТА/. Пераможцай дзіцячага конкурсу песні "Еўрабачанне-2019" стала Вікі Габар з Польшчы, паведамляе карэспандэнт БЕЛТА.
Польская юная спявачка атрымала 278 балаў ад гледачоў і журы.
Вікі Габар - 12 гадоў. Дзяўчынка нарадзілася ў Германіі, пачатковую адукацыю атрымала ў Вялікабрытаніі, а цяпер жыве ў Польшчы. Яе конкурсная кампазіцыя называлася "Супергерой". Асаблівасцю выканання стаў сурдапераклад песні на сцэне.
У Беларусі - 11 месца. Краіну на конкурсе прадставіла 14-гадовая Ліза Міснікава з песняй "Пепельный". Яна атрымала 92 балы.
На гэты раз конкурс аб'яднаў юных выканаўцаў з 19 краін: Аўстраліі, Албаніі, Арменіі, Беларусі, Грузіі, Ірландыі, Іспаніі, Італіі, Казахстана, Мальты, Нідэрландаў, Партугаліі, Расіі, Паўночнай Македоніі, Сербіі, Украіны, Уэльса, Францыі і гаспадыні цяперашняга конкурсу - Польшчы. Яго слоган - "Падзяліся радасцю". Галоўнай сцэнай песеннага форуму стала Arena Gliwice.-0-
