17 студзеня, Мінск /Аляксандр Жыбуль - БЕЛТА/. Пастановай Міністэрства культуры Беларусі ад 15 снежня 2016 года нумар 81 вызначаны парадак суаднясення індэксаў, якія вызначаюць парадак выкарыстання фільмаў, і ўзроставых катэгорый фільмаў. Адпаведная пастанова афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
Згодна з дакументам, устаноўлена наступнае суаднясенне:
Індэкс "0" - без узроставых абмежаванняў" адпавядае ўзроставай катэгорыі "0 - без узроставых абмежаванняў".
Індэкс "*" - дзецям да 12 гадоў прагляд фільма дазволены ў суправаджэнні бацькоў або педагога" адпавядае ўзроставай катэгорыі "12+ - фільм, дазволены для паказу гледачам, якія дасягнулі ўзросту дванаццаці гадоў".
Індэкс "**" - дзецям да 14 гадоў дазваляецца прагляд у суправаджэнні бацькоў або педагога" адпавядае ўзроставай катэгорыі "12+ - фільм, дазволены для паказу гледачам, якія дасягнулі ўзросту дванаццаці гадоў".
Індэкс "***" - фільм дазволены для паказу гледачам старэйшым за 16 гадоў" адпавядае ўзроставай катэгорыі "16+ - фільм, дазволены для паказу гледачам, якія дасягнулі ўзросту шаснаццаці гадоў".
Індэкс "****" - фільм дазволены для паказу гледачам старэйшым за 18 гадоў" адпавядае ўзроставай катэгорыі "18+ - фільм, дазволены для паказу гледачам, якія дасягнулі ўзросту васямнаццаці гадоў".
Індэкс "Э18" - эратычны фільм, які дазволены для паказу гледачам старэйшым за 18 гадоў" адпавядае ўзроставай катэгорыі "18+ - фільм, дазволены для паказу гледачам, якія дасягнулі ўзросту васямнаццаці гадоў".
Згодна з Кодэксам аб культуры, фільмы, вызначаныя для паказу на тэрыторыі Рэспублікі Беларусь, падлягаюць класіфікацыі. Класіфікацыя ўяўляе сабой аднясенне фільма ў залежнасці ад яго тэматыкі, жанру, зместу і мастацкага афармлення да пэўнай узроставай катэгорыі. Узроставыя катэгорыі фільмаў устаноўлены пунктам 6 артыкула 207 Кодэкса аб культуры.
Пастанова ўступае ў сілу з 3 лютага 2017 года.-0-