Мабільная версія
ДЗЯРЖОРГАНЫ
Апошнія навіны
Усе навіны

Паэтычны флэшмоб да 135-годдзя Якуба Коласа арганізавалі ў Кітаі

Культура 14.11.2017 | 09:01
У час акцыі
У час акцыі

14 лістапада, Мінск /Аліна Грышкевіч - БЕЛТА/. У кітайскіх гарадах Шанхай, Цяньцзінь і Пекін адбыўся паэтычны флэшмоб, прысвечаны 135-годдзю з дня нараджэння Якуба Коласа, паведамілі БЕЛТА ў беларускім пасольстве ў Кітаі.

Акцыю правяла дыпмісія сумесна з цэнтрамі вывучэння Беларусі ў Кітаі. У час мерапрыемства выкладчыкі і студэнты ў трох буйнейшых гарадах КНР дэкламавалі адзін з самых вядомых вершаў беларускага класіка "Мой родны кут, як ты мне мілы".

Стартаваў флэшмоб у Шанхаі ва Усходне-кітайскім педагагічным універсітэце, у якім з 2012 года функцыянуе першы на тэрыторыі Кітая Цэнтр вывучэння Беларусі. Дарэчы, намаганнямі цэнтра і Міністэрства культуры Беларусі да юбілейнай даты быў выдадзены зборнік беларускіх песень на кітайскай мове.

Падхапіў эстафету Цяньцзіньскі ўніверсітэт замежных моў. На працягу апошніх гадоў ён вядзе актыўную работу з ВНУ Беларусі па вывучэнні і распаўсюджванні беларускай мовы ў Кітаі. Як адзначыў прарэктар універсітэта Ван Міньюй, прымаючы пад увагу высокі ўзровень міждзяржаўнага супрацоўніцтва паміж Беларуссю і Кітаем, а таксама доўгую гісторыю дружалюбных адносін паміж народамі, універсітэт з верасня бягучага года першым у Кітаі адкрыў спецыяльнасць бакалаўрыята "беларуская мова". Паводле слоў прарэктара, у Кітаі існуе высокая патрэбнасць у падрыхтоўцы прафесіянальных спецыялістаў, якія ведаюць мову, гісторыю і культуру Беларусі, а правядзенне такіх нефармальных мерапрыемстваў садзейнічае ўзаемаразуменню і збліжэнню моладзі дзвюх краін.

Завяршыўся флэшмоб у сценах Другога Пекінскага інстытута замежных моў, дзе таксама паспяхова працуе Цэнтр вывучэння Беларусі.

Усяго ў паэтычным флэшмобе да юбілею з дня нараджэння Якуба Коласа прынялі ўдзел каля сарака кітайскіх выкладчыкаў і студэнтаў, якія вывучаюць беларускую мову і культуру.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Трэць жылля ў Беларусі будуецца для маючых патрэбу У студзені-кастрычніку 2017 года пабудавана 34,8 тыс. новых кватэр. Уведзена ў эксплуатацыю 3 050,6 тыс. кв.м агульнай плошчы жылля.