19 ліпеня, Мінск /Кар. БЕЛТА/. Нарвежскія кінакарціны пакажуць у дворыку атэля "Манастырскі" ў Мінску 21-22 ліпеня, паведамілі БЕЛТА ў прэс-службе Мінгарвыканкама.
Гледачы 21 ліпеня змогуць убачыць камедыю 2014 года "Скандынаўскі фарсаж", а 22 ліпеня - сіквэл 2016 года "Скандынаўскі фарсаж-2: гонкі на лёдзе". Уваход на сеансы свабодны, пачатак у 21.00.
"Open Air Cinema" - штотыднёвы праект, які стартаваў 14 ліпеня. Вечарамі мінчан і гасцей запрашаюць у Верхні горад на бясплатныя кінасеансы, на якіх будуць дэманстравацца фільмы розных жанраў. Арганізавана 220 пасадачных месц, працуе кінабар і кафэ.
Першымі на мінулым тыдні паказалі італьянскую камедыю 2016 года "Белае віно з Бабудойу" і сем лепшых італьянскіх кароткаметражак у адной праграме пад назвай Italian Best Shorts.
Арганізатарам мерапрыемства выступае УП "Кінавідэапракат" пры падтрымцы Мінгарвыканкама.-0-
