Мабільная версія
ДЗЯРЖОРГАНЫ
Апошнія навіны
Усе навіны

Музычнай прэм'ерай "Жаніхі" адкрывае юбілейны сезон Гомельскі абласны драмтэатр

Культура 20.09.2018 | 19:17
Фота з архіва
Фота з архіва

20 верасня, Гомель /Кар. БЕЛТА/. Прэм'ерай "Жаніхі" Гомельскі абласны драматычны тэатр адкрывае сёння юбілейны 80-ы сезон, паведамілі карэспандэнту БЕЛТА ў прэс-службе ўстановы.

Трупа Гомельскага аблдрамтэатра прадставіць на суд гледачоў музычную камедыю паводле аперэты І.Дунаеўскага "Жаніхі" (паводле п'есы С.Антымонава і М.Адуева). Сваю рэдакцыю вядомага твора прапануе рэжысёр-пастаноўшчык з Масквы Андрэй Градаў.

Па сутнасці, спектакль можна расцэньваць як музычны анекдот. Па сцэнарыі, у жанчыны памёр муж, не паспеўшы яго пахаваць, яна становіцца зайздроснай нявестай, у якой няма адбою ад жаніхоў. Гумарыстычны сюжэт прыпраўлены рэаліямі амаль стагадовай даўнасці (часоў НЭПу), а таксама музыкай вялікага Дунаеўскага. Пры аб'яднанні рускага вадэвіля з еўрапейскай аперэтай атрымалася яркая гісторыя з тонка выпісанымі персанажамі і інтрыгуючымі сюжэтнымі паваротамі.

У музычнай камедыі заняты заслужаны артыст Беларусі Юрый Фейгін, а таксама Аляксей Бычкоў, Таццяна Ганчарова, Настасся Задорына, Павел Кордзік, Юрый Марціновіч, Міхаіл Грышачкін, Юрый Зайцаў і інш. Мастак-пастаноўшчык камедыі Таццяна Стысіна, харэаграфія Аксаны Ражковай.

Прэм'ерныя паказы пройдуць таксама 21, 22 і 29 верасня. У гэтым сезоне калектыў тэатра рыхтуе адразу некалькі прэм'ер, прадоўжыць і традыцыю начных паказаў.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Распрацоўкі маладых вучоных у Беларусі Агульная колькасць студэнтаў у ВНУ Беларусі складае амаль 284,3 тыс. чалавек. Колькасць студэнтаў, занятых у навуковых даследаваннях, складае каля 65 тыс.чалавек.