Мабільная версія
ДЗЯРЖОРГАНЫ
Апошнія навіны
Усе навіны

Макей: аднаўленне першага буквара - значная падзея ў культурным жыцці Беларусі

Культура 07.09.2018 | 11:33
Уладзімір Макей
Уладзімір Макей

7 верасня, Мінск /Кар. БЕЛТА/. Аднаўленне першага буквара - значная падзея ў культурным жыцці Беларусі. Аб гэтым заявіў міністр замежных спраў Беларусі, старшыня Нацыянальнай камісіі па справах ЮНЕСКА Уладзімір Макей на ўрачыстым мерапрыемстве, прысвечаным 400-годдзю выдання першага ў свеце "Буквара славянскай мовы", перадае карэспандэнт БЕЛТА.

"Выстаўка "Буквары народаў свету" і факсімільнае аднаўленне першага буквара - значная падзея ў культурным жыцці гэтага года. Такія праекты эфектыўна садзейнічаюць папулярызацыі лепшых прыкладаў кніжнай культуры беларускага народа, захаванню нашай культурнай спадчыны. Яны таксама садзейнічаюць пашырэнню і актуалізацыі супрацоўніцтва ў сферы культуры з іншымі краінамі, развіццю дружбы і ўзаемаразумення паміж народамі", - сказаў Уладзімір Макей.

Ён падкрэсліў, што буквар дапамагае кожнаму чалавеку закласці аснову вывучэння граматы. "Заслуга буквара ў тым, што засваенне азоў мовы і літаратуры праходзіць адначасова з атрыманнем першых ведаў па гісторыі, геаграфіі, культуры свайго народа, яго дасягненнях у розных сферах жыцця. Буквар дапамагае дзіцяці далучыцца да нацыянальных традыцый, духоўных і матэрыяльных каштоўнасцей свайго народа", - адзначыў міністр.

Прэзентацыя факсімільнага выдання "Буквара" адбылася ў Нацыянальнай бібліятэцы, якая рэалізавала гэты праект пры падтрымцы міністэрстваў замежных спраў, культуры і адукацыі, пасольстваў Беларусі ў Вялікабрытаніі і ў Латвіі, Еўрапейскага банка рэканструкцыі і развіцця і Белінвестбанка. У рабоце прымалі ўдзел Міжнародная асацыяцыя беларусістаў, Лонданская бібліятэка Мідл Тэмпл, Беларускі дзяржаўны ўніверсітэт.

Першай у свеце кнізе пад назвай "Буквар" 24 ліпеня споўнілася 400 гадоў. У 1618 годзе ўбачыў свет "Буквар славянскай мовы", і да яго з'яўлення мелі дачыненне беларусы.

Першы "Буквар" выйшаў на царкоўнаславянскай мове ў друкарні Віленскага праваслаўнага брацтва Святога Духа ў Еўі. "Буквар" выйшаў на 52 лістах у кішэнным фармаце. У ім размешчаны славянскі алфавіт, прыклады складоў з дзвюх і трох літар, простыя словы на царкоўнаславянскай мове, пералік знакаў прыпынку, лічбаў (у кірылічнай традыцыі), а таксама азы граматыкі і тэксты для чытання, якія ўключаюць рэлігійныя гімны, малітвы, запаведзі, пропаведзі.

Юбілейныя мерапрыемствы ў Нацыянальнай бібліятэцы праходзяць з пачатку года. Да гэтага часу адбыліся выстаўкі, якія прадэманстравалі 400-гадовую гісторыю буквароў, а таксама расказалі пра буквары народаў свету.-0-

Фота Аксаны Манчук

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ВУП у Беларусі Валавы ўнутраны прадукт у студзені-жніўні 2018 года склаў Br77,4 млрд (103,7% да аналагічнага перыяду 2017 года).