Мабільная версія
ДЗЯРЖОРГАНЫ
Апошнія навіны
Усе навіны

"Лістападзік" дапамагае вырасці сапраўднымі аматарамі кіно - Дрыга

Культура 04.11.2017 | 15:47
Фота з архіва
Фота з архіва

4 лістапада, Мінск /Кар. БЕЛТА/. Конкурс фільмаў для дзіцячай і юнацкай аўдыторыі "Лістападзік" дапамагае вырасці сапраўднымі гледачамі і аматарамі кіно. Такое меркаванне выказала на адкрыцці сёмага па ліку конкурсу ў Мінску першы намеснік міністра культуры Беларусі Ірына Дрыга, перадае карэспандэнт БЕЛТА.

"У праграме "Лістападзіка" сабраны лепшыя фільмы з усяго свету для дзяцей, сямейнага прагляду. Гэта яркія, запамінальныя жыццёвыя гісторыі, часам няпростыя, якія прымусяць падумаць, недзе паплакаць, недзе пасмяяцца, але якія дапамогуць вырасці сапраўднымі гледачамі, сапраўднымі аматарамі кіно", - сказала Ірына Дрыга, звяртаючыся да гасцей урачыстага адкрыцця.

Намеснік старшыні камітэта па адукацыі Мінскага гарвыканкама Віталь Прыгодзіч пажадаў, каб фестывальныя фільмы навучылі моладзь добраму.

Ірына Дрыга і Віталь Прыгодзіч разрэзалі сімвалічную кінастужку, і конкурс стартаваў.

Конкурсную праграму "Лістападзіка" адкрыў фільм Андрэаса Дрэзена (Германія) "Цім Талер, або Прададзены смех". Цікавы той факт, што па матывах казкі Джэймса Круса ў 1981 годзе быў зняты двухсерыйны фільм "Прададзены смех" на кінастудыі "Беларусьфільм" рэжысёрам Леанідам Нячаевым.

Прадставіць карціну нямецкага рэжысёра ў Мінск прыехаў выканаўца ролі Ціма Талера Арвід Фрызэ. Юны артыст быў уражаны яркім і цёплым прыёмам у Мінску, дзе ён упершыню. За сваё нядоўгае знаходжанне ў беларускай сталіцы ён спадзяецца азнаёміцца з горадам і яго жыхарамі.

Паказы конкурсу фільмаў для дзіцячай і юнацкай аўдыторыі "Лістападзік" пройдуць з 4 па 7 лістапада. Праграма прапануе 10 стужак з Ірана, Францыі, Германіі, Калумбіі і іншых краін. Журы ўзначаліць рэжысёр Кай С.Пік з Германіі.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.