Мабільная версія
ДЗЯРЖОРГАНЫ
Апошнія навіны
Усе навіны

Ліда адзначыць 695-годдзе рыцарскім турнірам і фестывалем хмелю, соладу і вады

Культура 06.09.2018 | 15:24
Фота з архіва
Фота з архіва

6 верасня, Гродна /Кар. БЕЛТА/. Ліда адзначыць 695-годдзе рыцарскім турнірам і фестывалем хмелю, соладу і вады. Аб гэтым карэспандэнту БЕЛТА паведамілі ў аддзеле культуры Лідскага райвыканкама.

Адсвяткуе значную дату горад 8 верасня. Райцэнтр збярэ тысячы гасцей з усёй краіны і з-за мяжы. Мерапрыемствы разгорнуцца на некалькіх пляцоўках.

Адной з цэнтральных лакацый стане старажытны замак. Тут пройдзе маштабны рыцарскі турнір "Меч Лідскага замка". Удзел у ім прымуць больш за 50 рыцараў з Беларусі і краін-суседак. У праграме конны турнір, бугурты "Бітва двароў", індывідуальныя паядынкі, паказальныя выступленні. Запланаваны і анімацыйныя паказы, выступленні музыкантаў. Актыўнасці прадоўжацца да вечара. Завершаць праграму піратэхнічнае шоу і дыскатэка Zamok dance.

У Дзень горада ў Лідзе ўжо чацвёрты раз пройдзе фестываль хмелю, соладу і вады LIDBEER. Гасцей чакае вялікі фуд-корт, квэсты і шмат музыкі. На галоўнай сцэне выступяць рок-групы з Беларусі, Расіі і Украіны: "ЧуVство Полета", "Nizkiz", "Animal Джаz", "Воплі Відоплясова". Хэдлайнерам канцэрта стане група "Ленінград".

Адкрыецца свята тэатралізаваным шэсцем, якое будзе прысвечана багатай гісторыі Ліды. Цэнтр горада ператворыцца ў вялікую святочную пляцоўку з работай рамеснікаў, сувенірным гандлем, аб'ектамі харчавання, дзіцячымі забаўляльнымі гарадкамі. На пляцоўцы ля цэнтральнай бібліятэкі адкрыецца музычны вернісаж з удзелам дзіцячых калектываў раёна. У аддзеле рамёстваў і традыцыйнай культуры запланавана правядзенне майстар-класа па ткацтве. У гасцей свята будзе магчымасць азнаёміцца з унікальнымі традыцыямі ткацтва Панямоння. У праграме шматлікія экскурсіі і выставы.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Гандлёва-эканамічнае супрацоўніцтва Беларусі і Расіі Беларусь захоўвае лідзіруючыя пазіцыі сярод гандлёвых партнёраў Расіі ў СНД. У сваю чаргу Расія традыцыйна застаецца асноўным гандлёвым партнёрам Беларусі.