Мабільная версія
ДЗЯРЖОРГАНЫ
Апошнія навіны
Усе навіны

Копія карты ВКЛ перададзена ў дар НББ ад Каралеўскай бібліятэкі Нідэрландаў

Культура 17.05.2018 | 19:57

17 мая, Мінск /Кар. БЕЛТА/. Фонд Нацыянальнай бібліятэкі Беларусі папоўніўся факсімільнай копіяй карты Magni Ducatus Lithuanie, et Regionum Adiacentium exacta Descriptio (1648), атрыманай у дар ад Каралеўскай нацыянальнай бібліятэкі Нідэрландаў, паведамілі карэспандэнту БЕЛТА ў НББ.

Назва карты ў перакладзе з лацінскай мовы - "Вялікае Княства Літоўскае і прылеглыя рэгіёны з іх дакладным апісаннем". Гэта адна з позніх версій знакамітай Радзівілаўскай карты, аўтарамі якой з'яўляюцца Томаш Макоўскі (1575 - каля 1630), друкар, мастак і гравёр пры двары князя Радзівіла ў Нясвіжы, а таксама Гесэль Герытс (1581-1632) - галандскі гравёр і картограф амстэрдамскага выдавецкага дома Блау.

Створаная па заказе князя Мікалая Хрыстафора Радзівіла па мянушцы Сіротка (1549-1616), карта ўпершыню была апублікавана ў Амстэрдаме ў 1613 годзе вядомым выдаўцом Вілемам Янсзонам Блау (1571-1638).

Картуш, які ўпрыгожвае верх карты 1648 года, змяшчае практычна тую ж інфармацыю, што была адлюстравана ў першым выданні 1613 года, дапоўненую толькі імем свайго выдаўца. Ім стаў картограф і выдавец Іаган Блау (Johannes Blaeu, 1596-1673), які ўзначаліў выдавецкі дом пасля смерці бацькі, Вілема Блау, і быў афіцыйным картографам Галандскай Ост-Індскай кампаніі.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Індывідуальнае прадпрымальніцтва У Беларусі з пачатку 2018 года павялічылася колькасць індывідуальных прадпрымальнікаў (ІП).