Мабільная версія
ДЗЯРЖОРГАНЫ
Апошнія навіны
Усе навіны

Кнігу "Белорусские мыслители XVI-XVII вв. Избранные труды" прэзентавалі ў Мінску

Культура 21.12.2017 | 12:03

21 снежня, Мінск /Кар. БЕЛТА/. Восьмую кнігу "Белорусские мыслители XVI-XVII вв. Избранные труды" праекта "Спадчына права" прэзентавалі ў Мінску, перадае карэспандэнт БЕЛТА.

Паводле слоў прафесара, доктара юрыдычных навук, заслужанага юрыста Рэспублікі Беларусь Віктара Камянкова, гэты праект дае магчымасць паказаць, што ў сферы права ёсць беларуская школа. Праект дазволіць юрыстам глыбей пазнаёміцца са сваёй гісторыяй.

Праект, ініцыіраваны Нацыянальным цэнтрам заканадаўства і прававых даследаванняў, стаў значным, адзначыў на прэзентацыі дырэктар цэнтра Вадзім Іпатаў. Кнігі з працамі беларускіх мысліцеляў у сферы права выходзяць штогод, і плануецца ўжо наступная. Праект дае магчымасць паказаць нашчадкам і тым, хто сёння заняты навуковай дзейнасцю, як трэба тварыць, каб ідэі жылі вечна. "Гэта сведчыць аб тым, што кандыдацкія, доктарскія работы павінны быць зроблены не толькі для задавальнення ўласнага эга, але і ўнутранага разумення, што гэта прынясе карысць у сферы навукі і права, дасць магчымасць зрабіць крок наперад у развіцці грамадства, дзяржавы і права", - сказаў Вадзім Іпатаў.

Паводле слоў дырэктара Нацыянальнага цэнтра прававой інфармацыі Яўгена Каваленкі, чарговая кніга праекта "Спадчына права" - важны элемент для вывучэння асноў беларускай дзяржаўнасці, вывучэння фарміравання беларускай прававой юрыдычнай думкі, вывучэння тых дасягненняў, якія мелі месца ў беларускай юрыдычнай навуцы ў мінулым, і прадастаўленне магчымасці для выкарыстання яе як у навуковай дзейнасці, так і ў мэтах прававой асветы грамадзян. Выданне прымеркавана да 500-годдзя беларускага кнігадрукавання.

Цяпер на Нацыянальным прававым інтэрнэт-партале даступны сем кніг праекта, у хуткім часе серыю ў электронным выглядзе папоўніць і кніга "Белорусские мыслители XVI-XVII вв. Избранные труды".

Над праектам "Спадчына права" працуюць Нацыянальны цэнтр заканадаўства і прававых даследаванняў, Нацыянальны цэнтр прававой інфармацыі Беларусі, Беларускі рэспубліканскі саюз юрыстаў, Нацыянальная бібліятэка Беларусі, кампанія "ЮрСпектр". Удзельнікі праекта падпісалі 20 снежня пагадненне з мэтай далейшага супрацоўніцтва.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Павышэнне пенсій у Беларусі Праект указа аб павышэнні пенсій унесены на разгляд у Адміністрацыю Прэзідэнта. Прапануецца павышэнне пенсій на 5,3% з 1 лістапада.