7 чэрвеня, Мінск /Кар. БЕЛТА/. Кінасеансы пад адкрытым небам будуць праходзіць па суботах у Мінску на тэрыторыі Верхняга горада, паведамілі БЕЛТА на прадпрыемстве "Кінавідэапракат".
Праект Open air CINEMA стартуе 9 чэрвеня, першай у рамках свята "Дзень шматнацыянальнай Расіі" будзе паказана савецкая лірычная камедыя рэжысёра Георгія Данэлія "Я крочу па Маскве". Фільм расказвае пра незабыўныя прыгоды мантажніка Валодзі з Сібіры, які спыніўся праездам у Маскве, і яго новых прыяцеляў.
Кінакарціны розных жанраў будуць дэманстравацца штотыднёва ўвечары ў дворыку атэля "Манастырскі". Уваход свабодны, пачатак у 21.30.
Арганізатарам мерапрыемства выступае УП "Кінавідэапракат" пры падтрымцы Мінгарвыканкама.-0-