1 верасня, Астана /БЕЛТА - КАЗІНФАРМ/. Калекцыя этнаграфічных прадметаў Беларусі перададзена Нацыянальнаму музею Казахстана кіраўніком Адміністрацыі Прэзідэнта Беларусі Наталляй Качанавай.
"Мне сёння выпала магчымасць перадаць калекцыю прадметаў этнаграфіі і побыту Нацыянальнага гістарычнага музея Рэспублікі Беларусь для дэманстрацыі ў Нацыянальным музеі Рэспублікі Казахстан. Гэта нацыянальны беларускі жаночы касцюм, тут прадстаўлены ручнікі, якія выкарыстоўваліся пры правядзенні традыцыйных мерапрыемстваў не толькі як прадметы побыту, а пры правядзенні вясельных цырымоній, таксама прадстаўлены прадметы керамікі, ткацтва", - адзначыла Наталля Качанава.
Яна дадала, што гэтыя прадметы дадуць магчымасць жыхарам Казахстана і гасцям лепш зразумець гісторыю Беларусі.
В.а. дырэктара Нацыянальнага музея Казахстана Леанід Кочатаў падзякаваў беларускаму боку за перададзеную калекцыю.
Візіт у Казахстан кіраўніка Адміністрацыі Прэзідэнта праходзіць 31 жніўня - 1 верасня.-0-
