Сцяг Пятніца, 29 сакавіка 2024
Усе навіны
Усе навіны
Культура
07 лютага 2017, 16:28

Грамадская ініцыятыва па пошуку месца пахавання Францыска Скарыны створана ў Беларусі

7 лютага, Мінск /Кар. БЕЛТА/. Грамадская ініцыятыва па пошуку месца пахавання Францыска Скарыны створана ў Беларусі. Аб гэтым паведаміў на прэс-канферэнцыі ў прэс-цэнтры БЕЛТА намеснік старшыні савета Беларускага фонду культуры Анатоль Бутэвіч, перадае карэспандэнт БЕЛТА.

Паводле слоў Анатоля Бутэвіча, створана ініцыятыўная група, якая занята пошукам дакументаў. Садзейнічанне гэтай ініцыятыве гатова аказаць Міністэрства замежных спраў Беларусі.

Акрамя таго, Беларускі фонд культуры, грамадская наглядальная камісія пры Міністэрстве культуры па пытаннях аховы гісторыка-культурнай спадчыны вылучылі прапанову аб прысваенні Нацыянальнай бібліятэцы імя Францыска Скарыны, і яна атрымала падтрымку, адзначыў Анатоль Бутэвіч.

Грамадская арганізацыя "Беларускі фонд культуры" створана ў красавіку 1987 года. Фонд садзейнічае папулярызацыі беларускай мовы як асновы нацыянальнай культуры, ажыццяўляе маральную, матэрыяльную і арганізацыйную падтрымку грамадскіх ініцыятыў, накіраваных на вывучэнне, захаванне і развіццё культурнай і гістарычнай спадчыны Беларусі, захаванне традыцый, развіццё прафесійнай і аматарскай творчасці. За гады работы грамадскае аб'яднанне ўнесла вялікі ўклад у дзейнасць па пошуку і вяртанні ў краіну нацыянальных твораў мастацтва, помнікаў гісторыі і культуры, архіўных матэрыялаў. Беларускі фонд культуры з'яўляецца пастаянным прадстаўніком грамадскасці ва ўсіх нацыянальных органах па справах культуры, а таксама заснавальнікам рэспубліканскіх фестываляў і конкурсаў.-0-

Падпісвайцеся на нас у
Twitter
Топ-навіны
Свежыя навіны Беларусі