Мабільная версія
ДЗЯРЖОРГАНЫ
Апошнія навіны
Усе навіны

Фотавыстава да юбілею балетмайстра Валянціна Елізар'ева адкрыецца 30 сакавіка ў Мінску

Культура 20.03.2017 | 15:31
Валянцін Елізар'еў
Валянцін Елізар'еў

20 сакавіка, Мінск /Кар. БЕЛТА/. Фотавыстава "Валянцін Елізар'еў. Рэпартаж з сучаснага", якая адкрыецца 30 сакавіка ў мастацкай галерэі "Універсітэт культуры", стане першым урачыстым мерапрыемствам напярэдадні юбілею выдатнага балетмайстра, народнага артыста Савецкага Саюза і Беларусі, лаўрэата Дзяржаўнай прэміі Беларусі, Ганаровага грамадзяніна Мінска Валянціна Елізар'ева, паведамілі БЕЛТА ў галерэі.

У 2017 годзе Валянцін Елізар'еў святкуе 70-гадовы юбілей. Выстава ў галерэі "Універсітэт культуры" - прысвячэнне майстру маладога фатографа Мікіты Фядосіка. Выкарыстоўваючы навучальны працэс, што праходзіць у рэальным часе і ў рэальных умовах балетнай залы, ён адлюстраваў вобраз вялікага майстра на мове, максімальна зразумелай сваім сучаснікам.

У экспазіцыі таксама прадстаўлены афішы да спектакляў Валянціна Елізар'ева са збораў Дзяржаўнага музея тэатральнай і музычнай культуры Беларусі і калекцыі артыста. Выстава будзе працаваць да 13 красавіка.

Да юбілею Валянціна Елізар'ева на сцэне беларускага Вялікага 31 кастрычніка з'явіцца абноўленая ім версія балета "Спартак". А 2 лістапада пройдзе канцэрт "Зоркі сусветнага і беларускага балета", рэжысёрам-пастаноўшчыкам якога стане харэограф.

Валянцін Елізар'еў - харэограф сусветнага ўзроўню, з імем якога звязаны ўсе гучныя поспехі беларускага балета: станаўленне знакамітай "беларускай школы балета", еўрапейскі ўзровень пастановак, сусветнае прызнанне, на працягу 35 гадоў узначальваў Вялікі тэатр оперы і балета Беларусі, стварыў 15 спектакляў у Беларусі. Першы яго балет "Кармэн-сюіта", пастаўлены ва ўзросце 26 гадоў, стаў сапраўднай сенсацыяй. Балеты "Стварэнне свету", "Тыль Уленшпігель", "Спартак", "Шчаўкунок", "Карміна Бурана", "Балеро", "Вясна свяшчэнная", "Рамэа і Джульета", "Страсці (Рагнеда)", "Жар-птушка" і іншыя - найвялікшая спадчына сусветнага мастацтва.

Ён уладальнік мноства ўзнагарод, сярод якіх самая прэстыжная прэмія ў галіне балета Benois de la Danse, заснаваная Міжнароднай асацыяцыяй танца, ордэн Францыска Скарыны, ордэн Айчыны III і II ступені, медаль ЮНЕСКА "Пяць кантынентаў" і многія іншыя.

Сёння Валянцін Елізар'еў з'яўляецца прафесарам Беларускай дзяржаўнай акадэміі музыкі. Яго вучні - лаўрэаты прэстыжных міжнародных конкурсаў. Ён таксама прадаўжае сваю творчую дзейнасць у вядучых тэатрах Еўропы, Японіі, Кітая, краін Блізкага Усходу.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Беларусь - Украіна: гандлёва-эканамічнае супрацоўніцтва Тавараабарот Беларусі з Украінай па выніках 2016 года павялічыўся на 10,5%, экспарт - на 13,2%, імпарт - на 3,2%. Сальда дадатнае - $1,87 млрд