Мабільная версія
ДЗЯРЖОРГАНЫ
Апошнія навіны
Усе навіны

Фільм "Скарына" прэзентавалі ў Мінску

Культура 10.11.2017 | 10:47

10 лістапада, Мінск /Кар. БЕЛТА/. Фільм "Скарына" прэзентавалі 9 лістапада ў кінатэатры "Беларусь" у Мінску, перадае карэспандэнт БЕЛТА.

Гэта карціна стала новым прачытаннем гісторыі жыцця беларускага першадрукара. Аўтар сцэнарыя - лаўрэат Нацыянальнай літаратурнай прэміі Беларусі ўладальнік медаля Францыска Скарыны Наталля Голубева ў гутарцы з карэспандэнтам БЕЛТА адзначыла, што фільм стаў дапаўненнем да многіх работ пра Скарыну, якія былі створаны ў бягучым годзе, што праходзіць пад знакам 500-годдзя беларускага кнігадрукавання.

"Былі драматургічныя творы, былі друкаваныя, журналісцкія расследаванні. Перад намі стаяла даволі складаная задача. Спачатку планавалася, што гэта будзе дакументальны, дакументальна-ігравы фільм. Але мы вырашылі пайсці на эксперымент", - сказала сцэнарыст. У выніку атрымалася 26-хвіліннае ігравое кіно. У аснове сюжэта - адзін дзень з жыцця Францыска Скарыны, напоўнены драматызмам, перажываннямі, марамі і надзеямі. Фінал адкрыты, каб у гледача была магчымасць разважаць.

Пра Скарыну вядома вельмі мала. Апошнім часам з'явіліся новыя факты пра жыццё асветніка, якія яшчэ давядзецца даследаваць. "Таму спыняцца на тым, што ён памёр і быў пахаваны ў Чэхіі... Мы не ўзялі на сябе такую адказнасць, а пакінулі фінал адкрытым для творчасці", - дадала Наталля Голубева.

Паводле слоў рэжысёра Аляксея Раковіча, Скарына не павінен успрымацца сучаснікамі толькі на гравюры з падручніка гісторыі, фільм стаў спробай зрабіць гэту асобу бліжэйшай да гледача.

На прэзентацыі праекта 9 лістапада сабраліся вучоныя, творчая інтэлігенцыя, паслы, дэпутаты. Надзвычайны і Паўнамоцны Пасол Чэхіі Мілан Экерт, у прыватнасці, падкрэсліў, што нельга забываць гісторыю такіх вялікіх людзей, як Скарына, і заўсёды трэба вяртацца да друкаванага слова.

У фільме заняты беларускія акцёры Ігар Дзянісаў, Святлана Зелянкоўская, Ілья Ясінскі і інш. Ролю Францыска Скарыны выканаў Аляксандр Абрамовіч. Кіно створана па ініцыятыве Міністэрства інфармацыі Беларусі і заказе ЗАТ "Сталічнае тэлебачанне" пры падтрымцы СП ЗАТ "Юнісан".-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.