Мабільная версія
ДЗЯРЖОРГАНЫ
Апошнія навіны
Усе навіны

Драмтэатры з Брэста і Віцебска абмяняюцца гастролямі

Культура 20.10.2017 | 18:00

20 кастрычніка, Брэст /Кар. БЕЛТА/. Абменныя гастролі Брэсцкага акадэмічнага тэатра драмы і Нацыянальнага акадэмічнага драматычнага тэатра імя Якуба Коласа пройдуць у канцы кастрычніка, паведаміла карэспандэнту БЕЛТА намеснік генеральнага дырэктара па інфармацыі і арганізацыі гледача брэсцкага тэатра Ларыса Навіцкая.

У Віцебску 25-27 кастрычніка брастаўчане прэзентуюць чатыры спектаклі, у тым ліку тры апошнія прэм'еры. Так, паклоннікі тэатральнага мастацтва ўбачаць меладраму "Каварства і каханне" нямецкага рэжысёра Марсэля Крона. Будзе паказана камедыя "Вясёлы ўдавец" у пастаноўцы мастацкага кіраўніка Брэсцкага тэатра драмы заслужанага дзеяча мастацтваў Беларусі Аляксандра Козака. Не пакіне гледачоў абыякавымі камедыя ў стылі рэтра "Старэйшы сын" па аднайменнай п'есе Аляксандра Вампілава, над стварэннем якой працаваў рэжысёр Цімафей Ільеўскі. Тэатр з берагоў Буга таксама парадуе сваёй творчасцю дзяцей, прадставіўшы казку пра засмучанага караля.

"Гэта апошнія работы тэатра, якія карыстаюцца поспехам у публікі. Менавіта па такім прынцыпе мастацкі савет выбіраў спектаклі. На такую ж пазіцыю мы арыентавалі віцебскіх калег. Жыхары Брэста атрымалі магчымасць паглядзець якасныя пастаноўкі на беларускай мове, што для брэсцкай сцэны з'яўляецца рэдкасцю", - адзначыла Ларыса Навіцкая.

У той жа час трупа Нацыянальнага акадэмічнага драматычнага тэатра імя Якуба Коласа прывязе ў Брэст тры спектаклі. У афішы прадстаўлены камедыі "Доктар філасофіі" і "Шукаем тэнара", а таксама п'еса ў трох дзеях "Дзіўная місіс Сэвідж".

Пасля паездкі ў Віцебск Брэсцкі акадэмічны тэатр драмы накіруецца на гастролі па гарадах Брэсцкай вобласці. У лістападзе камедыю "Вясёлы ўдавец" убачаць жыхары Іванава і Баранавіч, а ў Івацэвічах брэсцкія акцёры пакажуць "Брава, Лаўрэнсія".-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дэкрэт "Аб развіцці прадпрымальніцтва" Прэзідэнт Беларусі Аляксандр Лукашэнка 23 лістапада падпісаў дэкрэт №7 "Аб развіцці прадпрымальніцтва", які з'яўляецца ключавым дакументам з пакета нарматыўных прававых актаў па паляпшэнні бізнес-клімату ў краіне.