27 лістапада, Магілёў /Сяргей Кулягін - БЕЛТА/. У Магілёве з 30 лістапада па 2 снежня пройдуць Дні карэйскага кіно пры садзейнічанні Пасольства Рэспублікі Карэя ў Рэспубліцы Беларусь. Аб гэтым паведамілі БЕЛТА ў Магілёўскім дзяржаўным прадпрыемстве "Кінавідэапракат".
У гледачоў будзе магчымасць азнаёміцца з культурай, традыцыямі, кінематографам Рэспублікі Карэя. У час мерапрыемства ў кінатэатры "Радзіма" пройдуць паказы трох кінастужак сучасных карэйскіх рэжысёраў. Прадстаўленыя фільмы будуць дэманстравацца на карэйскай мове з рускімі субтытрамі. Асаблівым падарункам для беларусаў стане музычная драма "Дурэсоры: голас Усходу" з беларускімі субтытрамі. Уваход на ўсе фільмы свабодны.
У адкрыцці Дзён карэйскага кіно 30 лістапада ў 18.00 прымуць удзел прадстаўнікі Пасольства Рэспублікі Карэя.-0-