21 чэрвеня, Мінск /Кар. БЕЛТА/. Рэспубліканская прэм'ера дакументальнага фільма "Перазвон" адбудзецца 22 чэрвеня. Аб гэтым БЕЛТА паведаміла прэс-сакратар Нацыянальнай кінастудыі "Беларусьфільм" Алёна Астаповіч.
Фільм "Перазвон" прадставяць публіцы да 80-годдзя з дня пачатку Вялікай Айчыннай вайны. Карціна прысвечана тысячам спаленых вёсак. Стужка дае магчымасць пераасэнсаваць на сучасным этапе палітыку генацыду, якая праводзілася нямецка-фашысцкімі захопнікамі ў Беларусі.
"Рэжысёр і аўтар сцэнарыя Яўген Сяцько выбраў лепшае з ваеннай калекцыі кінастудыі "Беларусьфільм" і метадам перамантажу стварыў вельмі эмацыянальную карціну, якая складаецца з эпізодаў, аб'яднаных у 52 хвіліны фільма. Ёсць у стужцы і сапраўдная хроніка, кадры з вядомага "Ідзі і глядзі" Элема Клімава і сучасныя здымкі. Аператарам фільма выступіў Сяргей Мілешкін", - расказалі ў прэс-службе.
З трэйлерам можна азнаёміцца па спасылцы: https://www.youtube.com/watch?v=mAo59Gl89HI.-0-