30 кастрычніка, Мінск /Кар. БЕЛТА/. Літаратурна-мастацкі часопіс "Маладосць" стварае электронны праект "Маладосць-Unlimited" - "Маладосць" без межаў", паведамілі БЕЛТА ў Міністэрстве інфармацыі Беларусі.
Праект рэалізуецца на аснове архіваў часопіса "Маладосць", у якіх за дзесяцігоддзі існавання накоплена шмат цікавага матэрыялу, але ён даволі рэдка выкарыстоўваецца. Гэта пакет электронных тэматычных зборнікаў, створаных на публікацыях часопіса рознага часу. Кожны зборнік звярстаны ў фармаце электроннай кнігі. Усяго плануецца сем зборнікаў: Maladost-arch (самыя цікавыя публікацыі мінулых гадоў), Maladost-fan (фантастыка і фэнтэзі), Maladost-fiction (проза), Maladost-non-fiction (самыя актуальныя публікацыі), Maladost-translate (пераклады), Maladost-history (гістарычныя матэрыялы), Maladost-smile (гумар).
Ініцыятыва выдання не новая. Ідэя праекта ў рэдакцыі ўзнікла пасля азнаямлення з вопытам газеты The New York Times па стварэнні дадаткаў да смартфонаў.
Рэзультаты новага напрамку рэдакцыйнай работы стануць даступнымі для чытачоў у фармаце .pdf праз падпіску на belpressa.by, а таксама праз сайт zviazda.by. Першы нумар электроннага часопіса праекта - гумарыстычны зборнік Maladost-smile чакаецца ўжо ў бліжэйшы час.-0-