26 кастрычніка, Мінск /Кар. БЕЛТА/. Лаўрэатам брытанскай літаратурнай прэміі The Man Booker Prize за ўсю гісторыю яе існавання ўпершыню стаў пісьменнік з ЗША Пол Біці. Узнагароду амерыканскі літаратар атрымаў за раман аб расізме "Распрадажа", які журы палічыла "шакіруючым і нечакана смешным", паведамляюць інфармацыйныя агенцтвы.
"Распрадажа" - сатырычная гісторыя цемнаскурага маладога чалавека, які спрабуе вярнуць сегрэгацыю і рабства ў адным з прыгарадаў Лос-Анджэлеса. Старшыня журы Аманда Форман заявіла, што кніга разбурае ўсе сацыяльныя табу.
Пол Біці нарадзіўся ў 1962 годзе ў Лос-Анджэлесе. "Распрадажа" - яго чацвёрты раман. Кніга ўжо выйграла некалькі прэмій у ЗША.
У мінулым годзе лаўрэатам Букераўскай прэміі стаў пісьменнік Марлан Джэймс (Ямайка), які атрымаў яе за раман "Кароткая гісторыя сямі забойстваў".
The Man Booker Prize была заснавана ў 1968 годзе. З 2014 года на яе можа прэтэндаваць любы англамоўны пісьменнік, чые кнігі апублікаваны ў Злучаным Каралеўстве. Раней узнагароду маглі атрымаць толькі аўтары з Вялікабрытаніі, Ірландыі і краін Брытанскай Садружнасці.-0-
