1 чэрвеня, Мінск /Кар. БЕЛТА/. Беларускія кнігі прадстаўлены на чацвёртым Маскоўскім кніжным фестывалі "Красная плошча", які праходзіць з 31 мая па 3 чэрвеня, паведамілі карэспандэнту БЕЛТА ў Міністэрстве інфармацыі Беларусі.
На нацыянальным стэндзе прадстаўлены навінкі айчыннага кнігавыдання, у тым ліку прысвечаныя знакавай для краіны даце - 500-годдзю беларускага кнігадрукавання. Таксама экспануюцца выданні да 135-годдзя з дня нараджэння класікаў беларускай літаратуры Янкі Купалы і Якуба Коласа, да 950-годдзя горада Мінска. У гэтым годзе на маскоўскім фестывалі ААТ "Белкніга" прадстаўляе буйнейшы кніжны магазін сталіцы - "Дом кнігі "Светач".
Кнігі беларускіх выдаўцоў выклікаюць вялікую цікавасць у наведвальнікаў форуму.
У час фестывалю "Красная плошча" адбудуцца літаратурныя вечары, прэзентацыі кніг, аўтограф-сесіі. Гэта штогадовы фестываль, які аб'ядноўвае сучасных аўтараў і выдаўцоў.-0-