25 красавіка, Мінск /Кар. БЕЛТА/. Беларуская кніга прадстаўлена на Еўразійскай міжнароднай кніжнай выстаўцы-кірмашы EurasianBookFair-2018, якая адкрылася сёння ў Астане, паведамілі БЕЛТА ў Міністэрстве інфармацыі.
Выстаўка праводзіцца трэці раз, і колькасць яе экспанентаў расце. У гэтым годзе ўдзел у EurasianBookFair прымаюць больш за 155 выдавецтваў і кніжных арганізацый з 18 краін свету. У цырымоніі адкрыцця выстаўкі прыняла ўдзел дзяржаўны сакратар Казахстана Гульшара Абдыкалікава, якая наведала і беларускую экспазіцыю, дзе ёй прадставілі лепшыя ўзоры кніжнай прадукцыі выдавецтваў.
Беларускія кнігавыдаўцы і кнігараспаўсюджвальнікі з'яўляюцца пастаяннымі ўдзельнікамі гэтага кніжнага форуму. На нацыянальным стэндзе "Кнігі Рэспублікі Беларусь" пройдуць прэзентацыі найбольш знакавых праектаў.-0-